Дьаарбаҥкаҕа хоту улуустартан 10 тыа хаһаайыстыбатын кэпэрэтиибэ уонна общината кэлэн кытта сылдьар. Балар быйыл күһүҥҥү сибиэһэй балык бородууксуйатын аҕалан атыыга таһаардылар. Атыы-тутуу кэмигэр хас биирдии Дьокуускай олохтооҕо уонна ыалдьыта удамыр сыанаҕа балык арааһын атыылаһыан сөп. Санатан эттэххэ, балыкка баар омега-3 туһалаах эттик коронавирус кэмигэр иммунитеты бөҕөргөтөргө олус көдьүүстээх. Онон доруобуйа ыарыыга утарсар кыаҕын күүһүрдэргэ балык туһата улахан.
Быыстапка-дьаарбаҥка сарсыарда 10 чаастан киэһэ 17 чааска диэри үлэлиирэ былааннанар. Сарсын, о.э. алтынньы 25 күнүгэр, ити бириэмэҕэ лоп курдук атыылааччылар эмиэ болуоссакка мустуохтара.
-
0
-
0
-
0
-
0
-
0
-
0
