Ол миэрэлэртэн биирдэстэринэн үрдүк, орто үөрэх кыһаларын бүтэрбит эдэр дьоҥҥо үс сыл устата ыйдааҕы төлөбүр анааһын буолар. От ыйын 1 күнүнээҕи туругунан Ил Дархан ыйааҕар олоҕуран таба иитиитигэр үлэлиир 81 эдэр исписэлиис төлөбүр ылар. Үрдүк үөрэхтээхтэр 22500 солк., орто үөрэхтээхтэр – 16500 солк., бастакы профессиональнай үөрэхтээһин выпускниктарыгар 1200 солк. көрүллэр.
Бу төлөбүрү ылааччылар үс өрүттээх сөбүлэһиини түһэрсэллэр. Билиҥҥи туругунан ыйдааҕы төлөбүрү үрдүк үөрэхтээх 6 эдэр исписэлиис, орто анал үөрэхтээх 3 исписэлиис уонна бастакы профессиональнай үөрэхтээх 72 исписэлиис ылар.
Маны таһынан СӨ тыа хаһаайыстыбатын министиэристибэтэ «Развитие Арктической зоны Республики Саха (Якутия) и коренных малочисленных народов Севера Республики Саха (Якутия) на 2020 – 2024 годы» судаарыстыбаннай бырагырааманан эдэр табаһыттарга дьиэ тутталларыгар (атыылаһалларыгар) социальнай төлөбүр көрөр. Бу бырагырааманан 11 эдэр табаһыт 1 мөл. солк. суумаҕа төлөбүрү ылбыт.
- 0
- 0
- 0
- 0
- 0
- 0