Издательский дом Редакция Подписка
Погода в Якутске: . -13 oC

Амма улууһун Сэргэ Бэһигэр уонча сыл хортуоппуйу үүннэриинэн дьарыктанар бааһынай хаһаайыстыба баһылыга Александр Фомин салгын температуратын хонтуруоллуур, аныгы технологиянан таҥыллыбыт, 500 туонна оҕуруот аһын харайар улахан ыскылааты тутан, үлэҕэ киллэрдэ.

Амма улууһун Сэргэ Бэһигэр уонча сыл хортуоппуйу үүннэриинэн дьарыктанар бааһынай хаһаайыстыба баһылыга Александр Фомин салгын температуратын хонтуруоллуур, аныгы технологиянан таҥыллыбыт, 500 туонна оҕуруот аһын харайар улахан ыскылааты тутан, үлэҕэ киллэрдэ.


Бу эбийиэк агропромышленнай комплекс салааларын бородууксуйатын оҥорон таһаарыыны улаатыннарыыга туһуламмыт өрөспүүбүлүкэ судаарыстыбаннай бырагырааматын чэрчитинэн тутулунна.

Алтаана_2.jpg
Үөрүүлээх бэлиэ түгэҥҥэ тыа хаһаайыстыбатын миниистирин солбуйааччы Николай Афанасьев, сүөһүнү иитиигэ, племенной кэтээн көрүүгэ, кооперация уонна дьоҕус киэптээх хаһаайыстыбаларга департамент салайааччытын солбуйааччы Айаал Тимофеев, Арассыыйа Бааһынай хаһаайыстыбаларын уонна тыа хаһаайыстыбатын кэпэрэтииптэрин ассоциациятын (АККОР) Саха Өрөспүүбүлүкэтигэр салаатын бэрэсидьиэнэ, «Саха ынаҕа» генопуонда тэрилтэтин дириэктэрэ Александр Артемьев ыраахтан кэлбит ыҥырыылаах ыалдьыт буоллулар.

Алтаана_-_3.jpg

– Бырайыакка бэйэбит толкуйбутунан хортуоппуйу суордунан араарар, тиэйэр, таһаарар тэриллэрин, хортуоппуйу хаалыыр туспа хоһу эбэн биэрдибит, – диир Александр Фомин. – Тутуубутун Иван Александров салайааччылаах «ТЭСМОСТРОЙ» тэрилтэ ыытта. Быйыл хортуоппуй розара уонна гала диэн суортарын ыһаммыт, күһүн 500 туоннаны хомуйбуппут. Билигин саҥа овощехранилищебытыгар 300 туоннаны ууран турабыт. Онон хортуоппуйбутун Аммабыт дьонугар-сэргэтигэр муус устар бүтүөр диэри атыыга таһаарар былааннаахпыт. Саҥа тутуубут үлэтин түмүгэ, хортуоппуйбут хайдах хараллан кыһыны туоруура мантан саас биллиэҕэ.

Алтаана_4.jpg
– Александр Константинович сүүрэн-көтөн, эккирэтиһэн, инновационнай бырайыагынан саҥа технологиянан туттарбыт оҕуруот аһын харайар аныгы тутуута өрөспүүбүлүкэҕэ бааһынай хаһаайыстыбаларга бастакы холобур буолар, – диир Александр Артемьев. – Тутуу 80 бырыһыанын өрөспүүбүлүкэ уйунна. Эдэр салайааччы хортуоппуйу үүннэриигэ саҥа технологиялары эмиэ көдьүүстээхтик туһанар. Аны биир гектар сириттэн өссө үрдүк үүнүүнү ыллаҕына, бу тутуута кини холугар кыараҕас буолан барыан сөп. Кэскиллээхтик үлэлиир эдэр бааһынай саҥаны сэҥээрэн, түргэнник ылсан, хамсанан, кэҥээн, сайдан иһэрэ үөрдэр.

  • 0
  • 0
  • 0
  • 0
  • 0
  • 0

Комментарии (1)

This comment was minimized by the moderator on the site

Александр кытаат оссо уунуун эбилиннин кыра бизнеьы ойуур программалар оссо сайдарга кыах биэрэн истиннэр

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23