2022 сыллаахха ити оройуоннарга бары тутуу матырыйааллара тиэрдиллибиттэр.
Эргиэн-логистика кииннэрэ инникитин бары 13 Аартыка оройуоннарыгар киириэхтээхтэр. Билиңңитэ маннык кииннэр биэс сиргэ — Абый, Анаабыр, Үѳhээ Халыма, Аллараа Халыма уонна Уус-Дьааңы оройуоннарыгар бааллар.
Бу кииннэртэн Аартыка олохтоохторо оҕуруот аhын, фруктаны уонна атын бородууктаны сѳптѳѳх сыанаҕа атыылаhар кыахтаахтар.
Ол курдук, эргиэн-логистика кииннэрэ аҕалыллар социальнай суолталаах ас бородууктатын уонна табаар кээмэйин уонна ахсаанын улаатыннарар, хаачыстыбалаах харайыытын хааччыйар, атыытын тэрийэр, итиэннэ сыана үүнүүтүн тутар сыаллаахтар-соруктаахтар. Ону таhынан, кинилэр функцияларыгар олохтоох бултанар бородууксуйаны (таба этин, балыгы, түүлээҕи уонна сир аhын) тутуу уонна бастааңңы астааhын киирэр.
«Арассыыйа Илини сайыннарар министиэристибэтин ѳйѳбүлүнэн бу үлэ ыытыллар. 2023 сылга 4 эргиэн-логистика кииннэрэ үлэҕэ киириэхтэрэ, ол кэнниттэн ѳссѳ 2 киини тутуу саҕаланыаҕа. Маннык кииннэр үлэлии турар оройуоннарыгар сыана үүнүүтүн тохтотууга хонтуруол хааччыллыахтаах», - диэн Ил Дархан Айсен Николаев СѲ парламеныгар бэйэтин Туhаайыытыгар эппитэ.
- 0
- 0
- 0
- 0
- 0
- 0