Сааһыырдар отчуокка араас эйгэҕэ сыһыаннаах ыйытыктары биэрдилэр. Ол курдук, оройуоҥҥа кэнники сылларга араас сиртэн турист кэлэр, онно төһө нолуок угалларый диэн интэриэһиргииллэр. Бензин сыаната олус чаастатык тиэстэ курдук үллэрин муҥатыйа этиннилэр. Почтаҕа үлэһит ыстаата кыччаабыт. Ыраах сытар улахан нэһилиэнньэҕэ эбии участковай полиция үлэһитин, ону сэргэ спортивнай оскуолаттан тренер ыстаатын туруорсаллар. Ба-йыаннай дьайыыга сылдьар дьон дьиэ кэргэнигэр коммунальнай төлөбүргэ чэпчэтии баар дуо диэн боппуруоска ааспыт сылга ити хайысхаҕа дьиэ хапытаалынай өрөмүөнүгэр көмө көрүллэригэр хамсааһын баара этилиннэ. Нэһилиэнньэҕэ килиэп буһарыыта баар эбит, ол эрээри бурдук саппааһа кыччаабыт. Бу хайысхаҕа уруккулуу оптовай маҕаһыын нөҥүө боппуруос болҕомтоҕо турар диэтилэр.
Быйыл, этэҥҥэ буоллаҕына, бөһүөлэккэ саҥа хочуолунай үлэҕэ киириэхтээх. Кырдьыга, кэнники уон сыл иһигэр оройуоҥҥа коммунальнай хаһаайыстыба салаатыгар улахан хамсааһын үлэтэ ыытыллан, бары бөһүөлэктэр бүтүннүү кэриэтэ ититии ситимигэр холбонон олороллор. Дьон күннэри-түүннэри оһоҕу оттон, күөх ойууру кэтээбэттэр. Олохтоохтор дьиэлэригэр тупсарыыны киллэрэн, убаҕас бөҕү хомуйарга анал техника сүүрэригэр баҕараллара баа буолбатах. Бу боппуруос хас бөһүөлэк аайы турбута олохпут усулуобуйата тупсубутун биир сүрүн бэлиэтэ буолар. Көтөҕүллүбүт боппуруоска Дмитрий Викторович бөһүөлэк тупсарыытыгар аналлаах олохтоох көҕүлээһин программатыгар киирсиэххэ сөбүн ыйда. Ол программанан анал техника ылыахха, анал тутуулары ыытыахха сөп.
“Муома оройуона” МО пресс-сулууспата
Сонун төрдө: "Индигир уоттара"
-
0
-
0
-
0
-
0
-
0
-
0
