Дьыктааны тэрийээччилэр - М.К.Аммосов аатынан ХИФУ иһинэн Олоҥхоҕо научнай-чинчийэр института, СӨ Национальнай бибилэтиэкэтэ, Олоҥхо Ассоциацията уонна СӨ «Олоҥхо тыйаатыра». Саха Сиригэр «Олоҥхо дьыктаана» аахсыйа иккис төгүлүн ыытыллар. Быйыл аахсыйаҕа өрөспүүбүлүкэ 30 улууһа, 273 бибилэтиэкэ, ону тэҥэ Калининград куоракка олорор биир дойдулаахтарбыт кыттыыны ыллылар.
Национальнай бибилиэтиэкэҕэ дьыктаан кыттыылаахтара Былатыан Ойуунускай «Дьулуруйар Ньургун Боотур» олоҥхоттон быһа тардыыны иһиттилэр. Саха тылынан тиэкиһи Олоҥхо институтун научнай үлэһитэ Марианна Сатанар аахта, оттон нуучча тылынан - ХИФУ филологическай факультетын нуучча тылыгар преподавателэ Татьяна Бердникова.
- Аан бастакытын дьыктаан икки тылынан - сахалыы уонна нууччалыы ыытылынна. «Олоҥхо дьыктаана» аахсыйа өрөспүүбүлүкэ үрдүнэн сэтинньи 21-26 күннэригэр диэри буолан аастар. Дьыктаан түмүгүнэн кыайыылаахтарга чороон уонна махтал сурук туттарыахтара», - диэтэ ХИФУ научнай-чинчийэр институт научнай аҕа үлэһитэ, «Лингвофольклористика» секторын сэбиэдиссэйэ Юрий Борисов.
Санаттахха, аан бастаан «Олоҥхо дьыктаана» 2019 сыллаахха ыытыллыбыта. Аахсыйаҕа Дьокуускайтан 9 тыһ. тахса киһи уонна өрөспүүбүлүкэ 28 оройуона кыттыбыта.
- 0
- 0
- 0
- 0
- 0
- 0