"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү ыалдьыттарын арыылаах алаадьынан, саламаатынан итиэннэ тыыннаах тойугунан көрүстүлэр. Дьааҥы улууhугар Былатыан Ойуунускай аатынан Саха тыйаатыра бэйэтин гастролун олунньу 20 күнүттэн саҕалаабыта. Уон киhилээх труппаны Саха Өрөспүүбүлүкэтин үтүөлээх артыыhа, Арассыыйа Федерациятын судаарыстыбаннай бириэмийэтин култуура уонна искусство эйгэтигэр лауреата Иннокентий Луковцев салайан илдьэ кэлбит.
Тымныы Чыпчаалын көрөөччүлэригэр анаан артыыстар Семен Ермолаев - Сиэн Өкөр драматынан режиссер Сергей Потапов туруорбут «Сайылык» испиэктээҕэр дойду ахтылҕана, өбүгэ сирин ытыктааһын, төрөөбүт дойдуга төннүү өйдөбүлэ араас санаалары аҕалара көстөр дириҥ ис хоhоонноох айымньыны аҕалбыттар. Сүрүн оруолларга Иннокентий Луковцев, Айаал Аммосов, Эдуард Захаров уо.д.а. Онтон Валентин Красногоров «Бүгүн эбэтэр хаһан да» кэмиэдьийэтинэн режиссер Сюзанна Ооржак көр-күлүү жанрыгар туруорбут "Таптаа миигин, таптаа" сатирическэй испиэктээҕэ дьиэ кэргэн, ыал, таптал сыhыаннаhыыларын көрдөрөр.
Дьааҥы көрөөччүлэрэ айымньылары истиҥник ылынан, саха артыыстара хайдах курдук талааннаахтарын өссө төгүл итэҕэйэн итиэннэ сөҕөн дохсун ытыс тыаhынан көрсөллөр. Аан бастакы көрөөччүлэринэн улуус үөҺэ сытар нэhилиэктэрин Сартаҥ, Барылас, Арыылаах, Дулҕалаах, Суордаах, Верхоянскай куорат, Боронук, Остуолба олохтоохторо буоллулар. Салгыы аллараа сытар нэhилиэктэргэ өрүhүнэн айаннаан тиийбит бастакы сирдэринэн Эҥэ нэhилиэгэ буолла. Артыыстары кытта көрсүhүү дьоро киэhэлэрэ эмиэ ытыс доргуйар тыаhынан арыалланан аастылар. Бүгүн, кулун тутар 7 күнүгэр артыыстар Чөрүмчэ - Элгэс хайысхатынан айаннаатылар. Дьааҥы улууhугар сырыыларын тыйаатыр труппата Баатаҕайга түмүктүөҕэ.
"Дьааҥылар куруутун да буоларын курдук наhаа үчүгэйдик көрүстүлэр. Сылдьыбыт нэhилиэктэрбитигэр иккилии испиэхтээҕи көрдөрөбүт. Улуус 18 нэhилиэгиттэн улахан аҥаарыгар сырыттыбыт. Салгыы Эбээн-Бытантай улууhугар айанныахпыт,"- диэн Саха Өрөспүүбүлүкэтин үтүөлээх артыыhа Айаал Аммосов иhитиннэрдэ.
Альбина ПАВЛОВА
"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү ыалдьыттарын арыылаах алаадьынан, саламаатынан итиэннэ тыыннаах тойугунан көрүстүлэр. Дьааҥы улууhугар Былатыан Ойуунускай аатынан Саха тыйаатыра бэйэтин гастролун олунньу 20 күнүттэн саҕалаабыта. Уон киhилээх труппаны Саха Өрөспүүбүлүкэтин үтүөлээх артыыhа, Арассыыйа Федерациятын судаарыстыбаннай бириэмийэтин култуура уонна искусство эйгэтигэр лауреата Иннокентий Луковцев салайан илдьэ кэлбит.
Тымныы Чыпчаалын көрөөччүлэригэр анаан артыыстар Семен Ермолаев - Сиэн Өкөр драматынан режиссер Сергей Потапов туруорбут «Сайылык» испиэктээҕэр дойду ахтылҕана, өбүгэ сирин ытыктааһын, төрөөбүт дойдуга төннүү өйдөбүлэ араас санаалары аҕалара көстөр дириҥ ис хоhоонноох айымньыны аҕалбыттар. Сүрүн оруолларга Иннокентий Луковцев, Айаал Аммосов, Эдуард Захаров уо.д.а. Онтон Валентин Красногоров «Бүгүн эбэтэр хаһан да» кэмиэдьийэтинэн режиссер Сюзанна Ооржак көр-күлүү жанрыгар туруорбут "Таптаа миигин, таптаа" сатирическэй испиэктээҕэ дьиэ кэргэн, ыал, таптал сыhыаннаhыыларын көрдөрөр.
Дьааҥы көрөөччүлэрэ айымньылары истиҥник ылынан, саха артыыстара хайдах курдук талааннаахтарын өссө төгүл итэҕэйэн итиэннэ сөҕөн дохсун ытыс тыаhынан көрсөллөр. Аан бастакы көрөөччүлэринэн улуус үөҺэ сытар нэhилиэктэрин Сартаҥ, Барылас, Арыылаах, Дулҕалаах, Суордаах, Верхоянскай куорат, Боронук, Остуолба олохтоохторо буоллулар. Салгыы аллараа сытар нэhилиэктэргэ өрүhүнэн айаннаан тиийбит бастакы сирдэринэн Эҥэ нэhилиэгэ буолла. Артыыстары кытта көрсүhүү дьоро киэhэлэрэ эмиэ ытыс доргуйар тыаhынан арыалланан аастылар. Бүгүн, кулун тутар 7 күнүгэр артыыстар Чөрүмчэ - Элгэс хайысхатынан айаннаатылар. Дьааҥы улууhугар сырыыларын тыйаатыр труппата Баатаҕайга түмүктүөҕэ.
"Дьааҥылар куруутун да буоларын курдук наhаа үчүгэйдик көрүстүлэр. Сылдьыбыт нэhилиэктэрбитигэр иккилии испиэхтээҕи көрдөрөбүт. Улуус 18 нэhилиэгиттэн улахан аҥаарыгар сырыттыбыт. Салгыы Эбээн-Бытантай улууhугар айанныахпыт,"- диэн Саха Өрөспүүбүлүкэтин үтүөлээх артыыhа Айаал Аммосов иhитиннэрдэ.
Альбина ПАВЛОВА
"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү ыалдьыттарын арыылаах алаадьынан, саламаатынан итиэннэ тыыннаах тойугунан көрүстүлэр. Дьааҥы улууhугар Былатыан Ойуунускай аатынан Саха тыйаатыра бэйэтин гастролун олунньу 20 күнүттэн саҕалаабыта. Уон киhилээх труппаны Саха Өрөспүүбүлүкэтин үтүөлээх артыыhа, Арассыыйа Федерациятын судаарыстыбаннай бириэмийэтин култуура уонна искусство эйгэтигэр лауреата Иннокентий Луковцев салайан илдьэ кэлбит.
Тымныы Чыпчаалын көрөөччүлэригэр анаан артыыстар Семен Ермолаев - Сиэн Өкөр драматынан режиссер Сергей Потапов туруорбут «Сайылык» испиэктээҕэр дойду ахтылҕана, өбүгэ сирин ытыктааһын, төрөөбүт дойдуга төннүү өйдөбүлэ араас санаалары аҕалара көстөр дириҥ ис хоhоонноох айымньыны аҕалбыттар. Сүрүн оруолларга Иннокентий Луковцев, Айаал Аммосов, Эдуард Захаров уо.д.а. Онтон Валентин Красногоров «Бүгүн эбэтэр хаһан да» кэмиэдьийэтинэн режиссер Сюзанна Ооржак көр-күлүү жанрыгар туруорбут "Таптаа миигин, таптаа" сатирическэй испиэктээҕэ дьиэ кэргэн, ыал, таптал сыhыаннаhыыларын көрдөрөр.
Дьааҥы көрөөччүлэрэ айымньылары истиҥник ылынан, саха артыыстара хайдах курдук талааннаахтарын өссө төгүл итэҕэйэн итиэннэ сөҕөн дохсун ытыс тыаhынан көрсөллөр. Аан бастакы көрөөччүлэринэн улуус үөҺэ сытар нэhилиэктэрин Сартаҥ, Барылас, Арыылаах, Дулҕалаах, Суордаах, Верхоянскай куорат, Боронук, Остуолба олохтоохторо буоллулар. Салгыы аллараа сытар нэhилиэктэргэ өрүhүнэн айаннаан тиийбит бастакы сирдэринэн Эҥэ нэhилиэгэ буолла. Артыыстары кытта көрсүhүү дьоро киэhэлэрэ эмиэ ытыс доргуйар тыаhынан арыалланан аастылар. Бүгүн, кулун тутар 7 күнүгэр артыыстар Чөрүмчэ - Элгэс хайысхатынан айаннаатылар. Дьааҥы улууhугар сырыыларын тыйаатыр труппата Баатаҕайга түмүктүөҕэ.
"Дьааҥылар куруутун да буоларын курдук наhаа үчүгэйдик көрүстүлэр. Сылдьыбыт нэhилиэктэрбитигэр иккилии испиэхтээҕи көрдөрөбүт. Улуус 18 нэhилиэгиттэн улахан аҥаарыгар сырыттыбыт. Салгыы Эбээн-Бытантай улууhугар айанныахпыт,"- диэн Саха Өрөспүүбүлүкэтин үтүөлээх артыыhа Айаал Аммосов иhитиннэрдэ.
Альбина ПАВЛОВА
2
0
0
0
0
0
