2022 сылтан саҕалаан дойду бырабыыталыстыбата сыл ахсын 3 мөл.солк. суумалаах сэттэ бириэмийэни түҥэтиэҕэ. Бу сыалга федеральнай бүддьүөттэн сыл ахсын 21 мөл. солк. көрүллүөҕэ. Докумуоҥҥа ыйылларынан, бириэмийэни айар үлэһиттэр уонна култуура диэйэтэллэрэ ылыахтара:
- киинэ, кинематография, тыйаатыр үлэтэ, муусука ускуустубата, цирк уонна эстрада ускуустубата, хореографическай ускуустуба, норуот айымньытын уонна декоративнай-прикладной ускуустубата, уус-уран литература, бибилэтиэкэ уонна түмэл ускуустубата, ойуулуур- дьүһүннүүр ускуустуба, дизайн уонна архитектура уобаластарыгар ураты, аныгы кэмҥэ эппиэттиир айымньылары оҥоруу иһин;
- култуура эйгэтигэр сырдатар бырайыактары олоххо киллэриини, ол иһигэр бибилэтиэкэ дьыалатын, түмэл үлэтин, художественнай үөрэхтээһини, искусствоведение наукатын уонна културология эбийиэктэрин харыстааһын, национальнай култууралары харыстааһын уонна сайыннарыы бырагыраамалары оҥоруу иһин;
- итиэннэ, оҕолорго, ыччакка литература, тэлэбиидэнньэ уонна араадьыйа уобаластарыгар, кинематография, ойуулуур-дьүһүннүүр уонна музыкальнай ускуустуба салаатыгар бырайыактары оҥоруу иһин.
Санатар буоллахха, СӨ Бырабыыталыстыбатын 2022 сылга култуура эйгэтин сайыннарыытын сүрүн соруктарынан үрдүк таһымнаахтык Саха АССР тэриллибитэ 100 сылын көрсө култуурунай бырагыраамата олоххо киирэр, Үөһээ Бүлүү улууһугар « Хотун Бүлүү туонатыгар – Олоҥхо ыһыаҕа», норуоттар икки ардыларынааҕы «Олоҥхо сиригэр ЮНЕСКО шедеврин көрсүһүүлэрэ» IV бэстибээлэ, «Музыка для всех» аан дойдутааҕы IV кэнгириэһэ, «Александр тыйаатырын күннэрэ» Арассыыйа национальнай тыйаатырдарын кэнгириэһэ үрдүк таһымнаахтык ыытыллаллара күүтүллэр.
-
0
-
0
-
0
-
0
-
0
-
0
