«Судаарыстыба өттүттэн этиловай испиир, итирдэр утахтар уонна испиирдээх бородууксуйалар эргиирдэрин сүрүннүүр, итирдэр утахтары туһаныыны (иһиини) хааччахтыыр туһунан» диэн 1995 сыллаахха ылыллыбыт 171-с №-дээх федеральнай сокуон 16-с ыстатыйатын 5-с чааһыгар, итиэннэ «Саха Өрөспүүбүлүкэтигэр итирдэр утахтары розницанан атыылааһын кэмигэр, усулуобуйатыгар уонна миэстэтигэр эбии хааччахтары олохтуур туһунан» диэн 2013 сыллаахха ылыллыбыт 1248 51-V №-дээх Саха Өрөспүүбүлүкэтин сокуонугар уларытыылары киллэрэр туһунан» сокуон 2-с ыстатыйатын 4-с пуунугар олоҕуран, олохтоох салайыныы бэрэстэбиитэллээх уорганнарын быһаарыыларынан ылыллыбыт сокуон чэрчитинэн, чопчу нэһилиэнньэлээх пууннарга арыгыны атыылааһын бобуллуон сөп.
Бу сокуоҥҥа олоҕуран, уон биир муниципальнай тэриллиигэ (нэһилиэккэ) арыгы атыылааһыны бобор туһунан сокуоннар барыллара бастакы ааҕыыга көрүлүннэ. Онон Дьааҥы улууһугар Суордаах, Нам улууһугар Фрунзе, Уус Алдан улууһугар Бээрийэ, Кэбээйи улууһугар Кировскай, Таатта улууһугар Орто Амма, Сунтаар улууһугар Бордоҥ, Ленскэй улууһугар Сылгы Күөлэ,Үөһээ Бүлүү улууһугар Харбалаах, Горнай улууһугар Маалтааны, Кировскай уонна Солоҕон нэһилиэктэрэ арыгы атыытын төрүт бобон, чөл олох сиэрин тутуһар нэһилиэктэр кэккэлэрин хаҥаттылар.
-
1
-
0
-
0
-
0
-
0
-
0
