Боппуруос норуот дьокутаата Александр Жирков көҕүлээһининэн киллэриллибит. Сунтаар улууһун Сиэйэ нэһилиэгин аата нууччалыы докумуоннарга «Шея, Шеинский наслег» диэн сурулла сылдьара сахалыыттан нууччалыы тылбаас орфографиятын нуорматыгар итиэннэ сахалыы таба суруйуу ирдэбилигэр сөп түбэспэт, ону ааһан төрүт атын ис хоһоону биэрэр. Ол иһин, «Сея, Сеинский наслег» диэн суруйар сиэрдээх. Ону Сиэйэ нэһилиэгин олохтоох сэбиэтин дьокутааттара уонна нэһилиэнньэ аһаҕас истиигэ сөптөөҕүнэн аахпыттар.
Дьүүллэһии түмүгүнэн, норуот дьокутааттара уураах барылын өйөөтүлэр. Уураах салгыы Судаарыстыбаннай эрэгистирээссийэ, кадаастыр уонна картография федеральнай сулууспатыгар эспэртиисэҕэ барыахтаах. Ирдэнэр бары бороссодуура кэнниттэн, саҥа аат география эбийиэктэрин ааттарын официальнай кэрискэтигэр киллэриллиэхтээх. Ол туһунан сиһилии «Ил Түмэн» хаһыат кэлэр нүөмэригэр суруйуохпут.
Хаартыска: Василий Кононов.
-
3
-
0
-
0
-
0
-
0
-
2
