Айсен Николаев кэлэр биэс сылга уустук соруктары быһаарыы иннибитигэр турар диэтэ.
«Өрөспүүбүлүкэ баһылыгын быһыытынан миэхэ Ил Түмэн саҥа састааба хайдах үлэлиирэ, тирээн турар соруктары быһаарыыга кыттыыта олус улахан суолталаах.
Биһиги туох баар күүспүтүн түмэн, туруоруммут былааммытын толоруохтаахпыт. Ол иһигэр энергетикэ, суол-иис салаатын сайдыыта, Арҕаа дойдулар санкцияларын кэмигэр экэниэмикэ тутаах салаатын көрдөрүүтүн үрдэтии. Аһынан-үөлүнэн хааччыллыы куттала суох буоларын туһугар тыа хаһаайыстыбатын сайыннарыы. Аччыгый, орто биисинэс, урбаан салаатын салгыы сайыннаран, дьон дохуоттаах буолуутун хааччыйыы.
Саамай сүрүн соругунан үөрэх хаачыстабын үрдэтии, үүнэ-сайда турар экэниэмикэҕэ ирдэнэр каадырдары бэлэмнээһин, үрдүк таһымнаах мэдиссиинэнэн туһаныы тоҕоостоох буоларын ситиһии. Ону кытта экология куттала суох буолуута, нэһилиэнньэлээх пууннар олохторун-дьаһахтарын таһыма үрдээһинэ, толору хааччыллыылаах буолуута.
Өрөспүүбүлүкэҕэ ылыллыбыт бөдөҥ бырайыактар – социальнай, оҥорон таһаарыы, энергетикэ, тырааныспарт, Ленаны туоратар муостаны киллэрэн туран, эбийиэктэри тутуу - салҕаныахтара”, - диэн бэлиэтээтэ регион баһылыга.
- 0
- 0
- 0
- 0
- 0
- 0