Аҕа дойдуну көмүскээччи күнэ үгэс быһыытынан дойдубутугар байыаннай албан ааты уруйдуур күн буолар. Онтон норуот бу күнү эр дьон бырааһынньыгын быһыытынан бэлиэтиир.
Бырааһынньык оҕону кыра эрдэҕиттэн төрөөбүт дойдуга тапталы, бэриниилээх буолууну иитиигэ олук буолар. Ол курдук, оҕону иитэр-үөрэтэр тэрилтэлэр, биир күнүнэн эрэ муҥурдаммакка, олунньу ый устата уол оҕону, эр киһини өрө тутарга туһаайыллыбыт байыаннай-патриотическай хайысхалаах араас тэрээһиннэри ыыталлар. Оттон дьиэ кэргэн далбар хотуттара уолаттарыгар, кэргэннэригэр бэлэх оҥороллор, минньигэс астаах сандалы тардан күндүлүүллэр.
«Ил Түмэн» хаһыат кэлэктиибэ ааҕааччыларын Аҕа дойдуну көмүскээччи күнүнэн итиитик-истиҥник эҕэрдэлиир!
- 0
- 0
- 0
- 0
- 0
- 0