Издательский дом Редакция Подписка
Погода в Якутске: . 26 oC

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн муус устар 14 күнүгэр диэри Саха Өрөспүүбүлүкэтин Судаарыстыбаннай Мунньаҕын (Ил Түмэн) устуоруйатын түмэлин интерактивнай быыстапката буола турар.

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн муус устар 14 күнүгэр диэри Саха Өрөспүүбүлүкэтин Судаарыстыбаннай Мунньаҕын (Ил Түмэн) устуоруйатын түмэлин интерактивнай быыстапката буола турар.

«Саха Сирин парламенын 30 сыла» быыстапка саха норуотун бэрэстэбиитэлэстибэтин төрүттэниитин, Саха Степной Думатын, Саха Сирин Киин Ситэриилээх былаас Кэмитиэтин, Саха АССР Үрдүкү Сэбиэтин устуоруйаларын,  Саха Өрөспүүбүлүкэтигэр аныгы парламентаризм үөскээһинин уонна сайдыытын билиһиннэрэр.

Быыстапкаҕа турбут докумуоннар, хаартыскалар, иллюстрациялар XVII үйэ иккис аҥаарыттан билиҥҥи кэмҥэ диэри кэрдиини хабаллар. Саха Сирин бэрэстэбиитэллээх былаас уорганнарын үлэлээбит кэмнэрэ уонна ханан олорбуттара чопчуламмыта быыстапка уратытынан буолар – 1992 сылтан, Саха АССР төрүттэниэҕиттэн, билиҥҥи кэмҥэ диэри Саха Сирин Киин быыбардыыр хамыыһыйата, Саха АССР Үрдүкү Сэбиэтэ, Саха Өрөспүүбүлүкэтин Судаарыстыбаннай Мунньаҕа (Ил Түмэн).

28 истиэндэҕэ Ил Түмэн, парламент устуоруйатын түмэлин докумуоннара уонна хаартыскалара, СӨ Национальнай архыыбын пуондатын, Саха Сирин түмэлин, ЯСИА, СӨ Национальнай бибилэтиэкэтин кинигэтин пуондатын экспонааттара итиэннэ кыраайы үөрэтээччи Александр Дьяконов хаартыскаларын архыыба, иһитиннэрэр-көрдөрөр матырыйааллара турдулар. Маны таһынан парламент фотокэрэспэдьиэнин Василий Кононов үлэлэрэ туһанылыннылар.

Бырайыак кураатарынан Ил Түмэн аппараатын салайааччы Андрей Антонен, бырайыак бөлөҕүн салайааччытынан парламент аппараатын салайааччытын солбуйааччы,  тэрийэр управление начаалынньыга Мария Попова, бырайыагы оҥорооччу, сүрүн эрэдээктэр, Арассыыйа суруналыыстарын сойууһун чилиэнэ, парламент аппараатын сүрүн референэ Ольга Федорова буолаллар. «Ректайм» рекламнай-полиграфическай хампаанньа тиэхиньиичэскэй көмөнү оҥордо.

Антонина НЕУСТРОЕВА

Хаартыска «Арассыыйа – Мин устуоруйам» паарка саайтыттан

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением