Тохсунньуга олус сылаас күнүн-дьылын учуоттаан, Ил Дархан халаан кутталлаах кэмигэр ону учуоттуурга көрдөстө.
Кини сулууспаларга үөрэҕи уонна эрчиллиилэри кэмигэр ыытыы, материальнай ресурсалары саҥардыы, баайы-дуолу страховкалааһын, гидротехническай тутуулары бэрэбиэркэлээһин уо.д.а. тэрээһиннэрин ыытыы наадатын ыйда.
Ону таһынан, ынах сүөһүнү уу ылбат сиригэр көһөрүүгэ уурда уонна маннык сири-уоту эрдэ быһааралларын, ол гынан баран, ыксаллаах быһыы-майгы үөскээтэҕинэ, үксүгэр муниципальнай тэриллиилэр дьайыылаах үлэни ыыппаттарын бэлиэтээтэ.
Саха Сирин үрэхтэригэр, өрүстэригэр халаан ааһыытын барыллааһын кулун тутар 5 күнүгэр, онтон официаьнай муус устар 15 күнүгэр оҥоһуллуоҕун туһунан Саха сиринээҕи гидрометеорология начаалынньыгын солбуйааччы Вячеслав Шехиров эттэ.
2024 сыл сааскы халааннааһыҥҥа Нам, Өлүөхүмэ, Ньурба, Анаабыр улуустарыгар 27 нэһилиэнньэлээх пуун эмсэҕэлээбитэ. Айсен Николаев этиитинэн, федеральнай таһымнаах ыксаллаах быһыы-майгы эрэһиимэ биллэриллибитэ. Ол чэрчитинэн халаантан эмсэҕэлээбиттэргэ чөлүгэр түһэрэр үлэни ыыталларыгар үп көрүллүбүтэ.
Хаартыска: SakhaGov
-
0
-
0
-
0
-
0
-
0
-
0
