Ил Дархан «Үйэ оҕолоро» хапытаалы ѳссѳ биэс сылга уhатарга эттэ. Онон бырайыак ѳссѳ биэс сылга уhатылынна уонна хапытаал кээмэйэ улаатан, 105 тыh. солкуобайга тэңнэстэ.
2022 сылга Саха сиригэр 12 тыһ кэриҥэ оҕо төрөөтө, кинилэр бары хапытаалы ылаллар. 2729 ыал харчыларын туһаҕа туруорда. Саамай элбэхтик олорор дьиэ усулуобуйатын тупсарыыга бу сириэстибэлэрин дьиэ кэргэттэр тутуннулар.
Онтон 2023 сыл тохсунньу ыйыгар Саха Сиригэр 938 оҕо тѳрѳѳтѳ: 510 уол уонна 428 кыыс. Кинилэр бары «Үйэ оҕолоро» сыаллаах хапытаал сириэстибэлэрин эмиэ ылыахтара.
Санаттахха, маннык хапытаал 2022 сыл тохсунньу 1 күнүттэн 2027 сыл ахсынньы 31 күнүгэр диэри тѳрѳѳбүт эбэтэр иитэ ылыллыбыт оҕолорго дьиэ кэргэн дохуотун таhымыттан тутулуга суох бэриллэр.
Онуоха тѳрѳппүттэр РФ гражданнара буолуохтаахтар уонна Саха Сирин территориятыгар олорор сирдэринэн регистрациялаах буолуохтаахтар, итиэннэ оҕо тѳрѳѳбүтүн туhунан сибидиэтэлистибэни ГТАС органнарыгар ылыахтаахтар.
-
0
-
0
-
0
-
0
-
0
-
0
