Биир киһи олохтоох бородууксуйаны оҥорон таһаарыы кээмэйэ кыра диэн туран, тыа хаһаайыстыбатын үбүлүүр төһө көдьүүстээҕин туһунан ыйытта.
Онуоха Айсен Николаев олохтоох аһылык (эт-үүт, балык, арыы, мүөт, сир аһа, уо.д.а.) экология өттүнэн ырааһын, иҥэмтиэтинэн баайын бэлиэтээтэ. Холобур, COVID саҕана Арассыыйаҕа тастан оҕуруот аһа киириитэ тохтотулла сылдьыбыт кэмигэр, Дьокуускайга «Саюри» тэпилииссэ комплекса баар буолан, биһиэхэ сибиэһэй оҕуруот аһа быстыбатаҕын итиэннэ атын эрэгийиэннэргэ тэҥнээтэххэ, сыана үрдэтиллибэтэҕин эттэ. Бу тыйыс айылҕалаах, уһун тымныы кыһыннаах, кылгас сайыннаах хотугу дойдуга сүөһү көрөөччүлэр, сылгыһыттар, балыксыттар, оҕуруотчуттар, буругу үүннэрээччилэр бэриниилээх, үтүө суобастаах үлэлэрин түмүгэр бородууксуйа оҥоһулларын дьыбаан кириитиктэрэ табатык сыаналыыллара наадатын өйдөттө.
– Дьэ ити иһин биһиги тыа хаһаайыстыбатын өйөөбүппүт, өйүүбүт уонна өйүөхпүт! Ас-үөл өттүнэн куттал суох буолуутун хааччыйыы уонна төрүт үгэстэрбитин салгыы сайыннарыы биһиги сүрүн стратегическай сорукпут буолар, ону Сахам Сирин олохтоохторо бары өйүүллэригэр эрэнэбин, – диэтэ Ил Дархан.
-
2
-
0
-
0
-
0
-
0
-
0
