Издательский дом Редакция Подписка
Погода в Якутске: . -12 oC

Арассыыйа эрэгийиэннэригэр сааскы халаан кэмэ саҕаланна. Билиҥҥи туругунан 70 муоста, 615 кэтэх учаастак уонна 11 айан суола ууга былдьанна диэн "РИА Новости" иһитиннэрэр.

Арассыыйа эрэгийиэннэригэр сааскы халаан кэмэ саҕаланна. Билиҥҥи туругунан 70 муоста, 615 кэтэх учаастак уонна 11 айан суола ууга былдьанна диэн "РИА Новости" иһитиннэрэр.

Балаһыанньа олус түргэнник уларыйа турар: нэдиэлэ анараа өттүгэр ууга былдьаммыт эбийиэктэр хас эмэ төгүл аҕыйахтар этэ.

"Бэнидиэнньик сарсыарда сааскы халаан уутугар 21 эрэгийиэҥҥэ 615 кэтэх учаастак, 74 намыһах күргэ уонна 11 айан суола былдьанна" диэн иһитиннэрэллэр.

Саамай элбэх кэтэх учаастак Кемеровскэй (392) уонна Смоленскай (179) уобаластарга ууга былдьанна.

Бүгүҥҥү күҥҥэ халаан уутуттан 13 муостаны быһаатылар, ол иһигэр үстүү муоста Мордовияҕа уонна Тульскай уобаласка.

Халаан ханан халыһыйарын тохтоло суох кэтииллэр. Маныаха пилота суох анал тэриллэр туттуллаллар.

Айылҕа алдьатыытын аччатар сыалтан ааспыт нэдиэлэҕэ эрэгийиэннэргэ 180-тан тахса муус эстэрииттин ыыппыттара. Маны тэҥэ 41 км муус эрбэлиннэ, 3,5 кв.км хараардылынна.

  • 0
  • 0
  • 0
  • 1
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением