Владимир Тихонов этэринэн, өрөспүүбүлүкэ таһыгар сынньана барарга 1449 оҕо былааҥҥа хабыллыбыт. Олортон 976 оҕо -- «Океан», «Артек», «Орленок», «Смена», о.д.а. лааҕырдарга. Сынньалаҥҥа барыта 201 млн 173 тыһ. солк. барыаҕа. «Аартыка оҕолоро» бырайыакка федеральнай үбүттэн 30 172 000 солк. көрүллүбүт. Итинтэн 16 млн 384 тыһ. солкуобайа 332 путевкаҕа тыырыллыбыт.
Феодосия Габышева айан туһунан эттэ. «Куоракка диэри айаны төлүүр кыаҕа суох төрөппүт оҕото сынньана барбат. Онон Аартыка оҕотун туспа суруйар наада», - диэтэ. Быйыл Аартыка 7 эрэ улууһун оҕолоро сынньана бараллар. Онон Феодосия Васильевна хаалбыт 6 арктическай улууһу итиннэ эбэргэ эттэ.
Галина Данчикова Дьокуускай оҕо лааҕырдарын төрөппүттэрдиин кэрийэр былааннааҕын биллэрдэ уонна СӨ Бырабыыталыстыбатыгар айан төлөбүрүн хааччыйарга этии киллэрдэ.
Сергей Неустроев этэринэн, Аартыка оҕолорун өйүүргэ 4 172 000 солк. ууруллубут. Онон РФ күрэҕэр кытта барар оҕолор айаннара төлөнөр буолуоҕа.
“Сайын оҕолор туох да харгыһа суох сынньана баралларын туһуттан бу кыһалҕаны эрэгийиэн уонна куорат таһымыгар билигин быһаара охсуохха”, --диэн эттэ Галина Данчикова.
-
0
-
0
-
0
-
0
-
0
-
0
