Соторутааҕыта Балаҕаннаах нэһилиэгин олохтоохторо чугас нэһилиэктэргэ көр-күлүү киэһэлэрин бэлэхтээтилэр. Оҥхой, Далыр, Өргүөт, Быракаан нэһилиэктэригэр көрү-нары тардан, олохтоох дьону-сэргэни сэргэхситтилэр.
Тэрээһини сынньанар киин салайааччылара Михаил Жедринскэй , Андрей Андреев уонна "Балаҕаннаах бэтиэхэлэрэ" көр-күлүү норуот театрын сүрүн оонньооччулара Александра Селясинова, Маргарита Аянитова, Александра Докторова, Туйаара Андреева, Саргы Спиридонова, Анастасия Маччасынова тэрийдилэр.
Бу иннинэ кэлэктиип ыраах Томпо улууһугар ситиһиилээхтик гастроллаан кэлбитэ .
Нэһилиэк баһылыктара өйөөн, кулууп арендатыгар харчы ылбатахтарын бэлиэтиэххэ сөп. Ол курдук, кыттааччылар Далыр нэһилиэгин баһылыгар Иванов Георгий Егоровичка, Оҥхой нэһилиэгин баһылыгар Иванов Руслан Васильевичка, Өргүөт нэһилиэгин баһылыгар Николаев Семен Викторовичка барҕа махталларын тиэрдэллэр.
Киирбит үп Балаҕаннаах нэһилиэгэ Олоҥхо ыһыаҕар кыттар тэрээһиннэригэр көмө-тирэх буоларын этэллэр.
-
6
-
0
-
0
-
0
-
0
-
0
