Номнуо кытааччылар кэлэн эрэллэр. Бигэргэппиттэринэн, 670 үөрэнээччи, ону таһынан арыаллааччылар, тьютордар, экспертэр, тэрийээччилэр (барыта 200-тэн тахса киһи) 12 тас дойдуттан, Арассыыйа 14 эрэгийиэниттэн кыттыахтара. Билиҥҥи туругунан 326 киһи миэстэтигэр кэлэн (очно) кыттарын биллэрбит. Бу туһунан оонньуулар пресс-кииннэрэ иһитиннэрэр.
Элбэх тэрээһиннэр ыытыллыахтара. Ол иһигэр «Туймаада» норуоттар икки ардыларынааҕы олимпиада. Манна оҕолор математикаҕа, физикаҕа, химияҕа уонна информатикаҕа тургутууну ааһыахтара. Научнай кэмпириэнсийэ куонкурус быһыытынан барыаҕа. STEM-бырайыактарын көмүскүөхтэрэ. Чинчийэр оскуолаҕа уһуйуллуохтара.
Сүрүн тэрээһиннэри сэргэ научнай суруналыыстыка оскуолата, «Территория успеха» үөрэх салона, Саха Сирин чинчийэр оскуолата үлэлиэхтэрэ.
Санатан эттэххэ, аан маҥнайгы Норуоттар икки ардыларынааҕы интеллектуальнай оонньуулар Саха Сиригэр 2018 сыллаахха ыытыллыбыттара. Манна 40 тас дойдуттан, Арассыыйа 18 эрэгийиэниттэн кыттааччылар кэлбиттэрэ. Киэҥ хабааннаах тэрээһин аан дойдутааҕы үөрэх эйгэтигэр бэйэтин биллэрбитэ
-
0
-
0
-
0
-
0
-
0
-
0
