Издательский дом Редакция Подписка
Погода в Якутске: . -14 oC

От ыйын 1-9 күннэригэр Дьокуускай куоракка ыытыллыбыт Норуоттар икки ардыларынааҕы II интеллектуальнай оонньуулар түмүктэннилэр.

От ыйын 1-9 күннэригэр Дьокуускай куоракка ыытыллыбыт Норуоттар икки ардыларынааҕы II интеллектуальнай оонньуулар түмүктэннилэр.

учатсники

Yakutia International Science Games-2022” интеллектуальнай оонньуулар сыаллара – наукаҕа, технологияҕа дьоҕурдаах үөрэнээччилэри киэҥ эйгэҕэ таһаарыы, дьоҕурдарын чочуйуу, оҕону сайыннарарга педагогтары, учуонайдары, төрөппүттэри кытыннаран, биир эйгэни тэрийии.  

Санатан эттэххэ, Норуоттар икки ардыларынааҕы I интеллектуальнай оонньуулар 2018 сыллаахха буолбута. Саха Сиригэр 40 тас дойдуттан уонна Арассыыйа 18 эрэгийиэниттэн кэлэн кыттыбыттара.

***

От ыйын 9 күнүгэр Наука дьоҕус академиятын саҥа куорпуһугар тэрээһин үөрүүлээх сабыллыыта буолла. Быйылгы оонньуулар чэрчилэринэн, үс улахан тэрээһин ыытылынна: “International Researsh School” диэн норуоттар икки ардыларынааҕы чинчийэр оскуола STEM-бырайыактары сыаналаата, “Yakutia International Science Fair” үөрэнээччилэргэ аналлаах норуоттар икки ардыларынааҕы билим кэмпириэнсийэ-күрэҕэ ыытылынна уонна “Туймаада” математикаҕа, физикаҕа, химияҕа, информатикаҕа үгэс буолбут олимпиадата.

Уонча күн устата ыытыллыбыт улахан тэрээһини түмүктүүр киэһэҕэ кыттааччылар саха төрүт үгэһинэн маҥнай Аал Луук маска салама ыйаатылар. Тэрээһин бырааһынньык тыыннаах, истиҥ-иһирэх эйгэлээх буолла.

салама

СӨ Үөрэххэ уонна нуакаҕа миниистирэ Ирина Любимова, ХИФУ үөрэх чааһыгар проректора, педагогическай билим дуоктара Алексей Голиков, СӨ Үүнэр көлүөнэтин тус сыллаах пуондатын дириэктэрэ Владимир Егоров, СӨ Наука дьоҕус академиятын ректора Василий Павлов эҕэрдэ тыл эттилэр, үөрэнээччилэр билимҥэ өссө күүскэ ылсан дьарыктаналларыгар баҕардылар.

организ

Сингапур национальнай университетын бэрэпиэссэрэ, NUS квантовай технология киинин сүрүн чинчийээччитэ, НТУ иһинэн тэриллэн үлэлиир Чинчийэр институт дириэктэрин солбуйааччы Леон Чуан Квек видео-сибээскэ холбонон эҕэрдэлээтэ.

Ирина Любимова,  үөрэх миниистирэ:

–“Yakutia International Science Games-2022” интеллектуальнай оонньуулары норуоттар доҕордоһууларын бырааһынньыга” диэн этиэххэ сөп. 16 тас дойдуттан, Арассыыйа 16 эрэгийиэниттэн бэрэстэбиитэллэр кэлэн кытыннылар. Кыттааччы уопсай ахсаана – 670.

Ил Дархан Айсен Сергеевич Николаев уонна бырабыыталыстыба бэрэссэдээтэлин солбуйааччы Сергей Васильевич Местников салайааччылаах СӨ Бырабыыталыстыбатын күүстээх хамаандата киэҥ далааһыннаах үлэни ыытта. Үрдүк таһымнаах эспиэрдэр, тьютордар, тэрийээччилэр кыттан, билимҥэ, технологияҕа дьоҕурдаах үөрэнээччилэр бырайыактарын көмүскүүллэригэр, сайдалларыгар тус кылааттарын киллэрдилэр. Василий Климович Павлов дириэктэрдээх Наука дьоҕус академиятын кэлэктиибигэр, бырагыраамаҕа тэрийэр кэмитиэт салайааччыта Владимир Анатольевич Егоровка махталбын тиэрдэбин. Владимир Анатольевич Норуоттар икки ардыларынааҕы I интеллектуальнай оонньуулары тэрийэн турар. Хотугулуу-Илиҥҥи федеральнай университекка эмиэ истиҥ махтал тылларын этэбит. Ректор Анатолий Николаевич Николаев – саамай көхтөөх тэрийсээччибит.

 Аны Норуоттар икки ардыларынааҕы III интеллектуальнай оонньууларга кэлэн кыттыахтара диэн эрэнэбит, күүтэбит.

Бу киэһэ бастыҥ көрдөрүүлээх үөрэнээччилэри наҕараадалаатылар.

Быйыл 29-с төгүлүн ыытыллыбыт “Туймаада” математика, физика, химия, информатика биридимиэттэрин олимпиадатын абсолютнай кыайыылаахтарын ааттарын иһиттибит. Ол курдук, Казахстан, Сингапур, Румыния, Арассыыйа (Урал федеральнай уокуруга)бэрэстэбиитэллэрэ бастаан үөрдүлэр-көттүлэр.

Артем Оганов, РАН бэрэпиэссэрэ, Арассыыйа кристаллограф-теоретик учуонайа:

– Бу тэрээһин кэннэ киһи аймах инники дьылҕатыгар долгуйарга төрүөт суох эбит диэн өйдөөтүм. Биһиги дьылҕабыт бу оҕолор илиилэригэр баар. Интеллектуальнай оонньуулар үрдүк таһымнаахтык, дьоһуннук ааспыттарыттан олус сөҕөн-астынан турабын. Тэрийээччилэргэ барҕа махтал буоллун. Норуоттар икки ардыларынааҕы III интеллектуальнай оонньууларга эспиэр быһыытынан үөрүүнү кытта кыттарга бэлэммин.

“Yakutia International Science Fair” үөрэнээччилэргэ аналлаах норуоттар икки ардыларынааҕы билим кэмпириэнсийэ-күрэҕин түмүгүнэн муҥутуур кыайыылаах аатын Сингапур үөрэнээччилэрэ Karis Yeun Xin Er уонна Sean Lim Shi-An ыллылар.

“Якутскэнерго” ПАО харчынан анал бириэмийэтин М.К. Аммосов аатынан Хотугулуу-Илиҥҥи федеральнай университетыттан Тимур Катанов, Вячеслав Гоголев РАН бэрэпиэссэрэ, Арассыыйа кристаллограф-теоретига Артем Оганов илиититтэн ылар чиэскэ тигистилэр.

экутскенрго

 Владимир Егоров, Саха сирин Үүнэр көлүөнэтин пуондатын генеральнай дириэктэрэ, МИИ (Норуоттар икки ардыларынааҕы инттеллектуальнай оонньуулар) идиэйэтин көҕүлээччи:

– Биһиги тэрээһиммит тас дойдуттан, Арассыыйа араас эрэгийиэниттэн 700-чэ эдэр талааны түмпүтэ олус үөрдэр. Уонча күн устата үөрэнээччилэр билимҥэ ылсан дьарыктаннылар, биир интэриэстээх оҕолору кытта билистилэр. Уустук сорудахтары толордулар, бырайыактарын көмүскээтилэр, эспиэрдэртэн уопут ыллылар. Дьүүллүүр сүбэҕэ, эспиэрдэргэ, тьютордарга уонна бары тэрийээччилэргэ махтанабын.

Норуоттар икки ардыларынааҕы II интеллектуальнай оонньуулар Кубогын Румыния Бухарест куоратыттан Теоретическай лиссиэй хамаандата ылла.

куьок хоз

Быйылгы интеллектуальнай оонньуулар бириистэрин уопсай пуондата 4 мөл. солкуобайга тэҥнэстэ. Харчынан бириэмийэни ылбыт үөрэнээччилэр бырайыактарын олоххо киллэрэргэ, салгыы үөрэнэллэригэр, үүнэллэригэр-сайдалларыгар туһаныахтара.

Алексей Обухов, Норуоттар икки ардыларынааҕы Чинчийии оскуолатын научнай салайааччыта:

– Интеллектуальнай оонньууларга киһи сөҕүөн курдук дириҥ хорутуулаах, сиппит бырайыактар кытыннылар. Сорох кыттааччылар күн сарсын туһанарга сөптөөх бэлэм бородуукталаахтар. Бу дьоһун тэрээһин өссө кэҥээн-сайдан иһэригэр баҕарабын.   

 

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением