1. От ыйын 1 күнүттэн биирдэм урбаанньыттарга социальнай хантараагынан көмө муҥутуур улахан кээмэйэ 250 тыһыынча солкуобайтан 350 тыһыынча солкуобайга диэри, оттон көмө хаһаайыстыбалаах гражданнарга – 100 тыһыынча солкуобайтан 200 тыһыынча солкуобайга диэри үрдээтэ.
2. Социальнай хантараагы түһэрсээри, эрэгийиэннээҕи социальнай харалта уорганнарыгар биитэр элбэх функциялаах кииҥҥэ тиийиэххэ сөп. Ону сэргэ социальнай хантараагы Госуслуги порталыгар оҥоруохха сөп. Онуоха киһи өйөбүлгэ олус наадыйааччылар ахсааннарыгар киирсибэтэ билиннэҕинэ, хантараагы оҥорууга аккаастыахтарын сөп. Ол эбэтэр тииһинэн олорорго сөп дохуоттаах буоллаҕына.
3. 2021 сыл муус устарыттан социальнай хантараак харчытын күннээҕи наадаларга барыыры көҥүллээбиттэрэ. Ол курдук, ас-таҥас, эмп-томп ыларга, эмтэниини, дьыссаат уонна оскуола үөрэҕин төлүүргэ туттуохха сөп.
4. Хантараак усулуобуйатын кэстэххэ, социальнай хантараагы тохтотуохтарын сөп, ол аата онно көрүллүбүт төлөбүр эмиэ тохтуур.
5. Социальнай хантараак төлөбүрүн кээмэйэ сыалыттан тутулуктаах. Ол курдук, от ыйын 1 күнүттэн бэйэ дьыалатын арыныыга 350 тыһыынча солкуобай, оттон көмө хаһаайыстыбаҕа – 200 тыһыынча солкуобайы ылыахха сөп.
-
1
-
0
-
0
-
1
-
0
-
0
