Муус устар 23 күнүгэр Нацгвардия сэриилэрин главнокомандующайа Виктор Золотов илии баттаабыт Национальнай гвардия сэриилэрин федеральнай сулууспатын туһааннаах бирикээһэ Быраап иһитиннэриитин интернет-порталыгар бэчээттэммитэ.
Бу уларыйыыларынан байыас инбэлиит буолар түгэнигэр биир кэмнээх төлөбүрү анааһын туһунан быһаарыыны ыларга наадалаах докумуоннар испииһэктэрэ чопчуланна.
Докумуоннар испииһэктэригэр киирэллэр:
- төлөбүрү аныыр туһунан байыаннай сулууспалаах (байыаннай сулууспаттан ууратыллыбыт сотрудник, кырасданыын) рапора;
- страховкаламмыт киһиттэн, компенсацияны ылар бырааптаах сирэйтэн эчэйии (бааһырыы, эчэйии, контузия) ыараханын туһунан ыспыраапка куоппуйата эбэтэр 11-с №-дээх халыыптаах ыспыраапка куоппуйата;
- медико-социальнай эспэртиисэ федеральнай гостэрилтэтэ биэрбит инбэлиит буолуу чахчытын бигэргэтэр ыспыраапкатын куоппуйата;
- РФ кыраасданын пааспарын эбэтэр РФ сокуонугар сөп түбэһэр кырасданыын личноһын туоһулуур атын докумуон куоппуйата.
Ахсынньы 9 күнүнээҕи 1053 №-дээх Бэрэсидьиэн ыйааҕа Анал байыаннай дьайыыга бааһырбыт сулууспалаахтарга, ол иһигэр Росгвардия байыастарыгар, биир кэмнээх төлөбүрү ылалларыгар быраабы тарҕатар. Ону таһынан сэтинньи 12 күнүттэн ыарахан эчэйиини ылбыт силовиктарга үс мөлүйүөн солкуобай бэриллэр.
Урут полиция сололоох эрэ байыаннайдарга уонна Росгвардия байыастарыгар төлөбүр көрүллэрэ.
АБДь кыттыылаахтарыгар биир кэмнээх төлөбүр кээмэйин бырабыыталыстыба сэтинньи 13 күнүгэр бигэргэппитэ, ол кэннэ В. Путин инбэлиит буолбут көмүскээччилэргэ туспа төлөбүрү киллэрбитэ.
Иһитиннэрии уонна хаартыска ПГ: https://www.pnp.ru/social/pravila-naznacheniya-vyplat-boycam-rosgvardii-izmenili.html
-
0
-
0
-
0
-
0
-
0
-
0
