Өйөбүл дьаһалларын туһаныыга ирдэниллэр:
1) СӨ элбэх оҕолоох ыаллар статустарын туһунан сокуон 5-с ыстатыйатынан дьиэ кэргэн тустаах статустаах буолуохтаах. Бу 18-гар эбэтэр 23-гэр (оҕо очно үөрэнэр эбэтэр аармыйаҕа сулууспалыыр буоллаҕына) диэри саастаах үс уонна онтон элбэх оҕолоох ыалга сыһыаннаах.
2) Төлөбүр дьиэ кэргэн олорор сиринэн биир дьиэҕэ ананар. Бу олорор сиргэ регистрациялааһынынан эбэтэр суут олорор сири быһаарбытынан бигэргэтиллэр.
3) Сайабылыанньаны биэриэх иннинээҕи 12 ыйдаах олорор дьиэ-уот уонна хомунаалынай өҥө иһин төлөбүр чахчыта бигэргитиллиэхтээх. Сайабылыанньаны көрүүгэ ОДьХ төлөбүрүгэр иэс суоҕа учуоттанар. Өскөтүн иэс баар буоллаҕына, иэһи реструктуризациялыыр туһунан ОДьХ өҥөтүн хааччыйааччар тэрилтэни кытта сөбүлэҥ түһэриллэр.
Дьиэ кэргэн ОДьХ өҥөтүн төлөөбүтүн туһунан иһитиннэрии «Объединенный платежный документ» систиэмэҕэ көстөр буоллаҕына эбии докумуоннары биэрбэт. Бу сайабылыанньаны биэрии хаамыытын чэпчэтэр уонна көдьүүстээх оҥорор. ОДьХ туһунан иһитиннэрии «Объединенный платежный документ» систиэмэҕэ баарын билэргэ госуслугаҕа киирэн, «ЖКХ» диэн разделга ОДьХ өҥөтүн хааччыйар тэрилтэни талаҕыт уонна тус счеккутунан ОПД сиэрбиһигэр хааччыйааччыгыт баарын-суоҕун көрөҕүт.
Сайабылыанньа сылга биирдэ бэриллэр. Төлөбүр 12 ыйга ананар уонна ый аайы сайабылыанньа биэрбит киһи счетугар түһэр.
Сайабылыанньаны Судаарыстыба өҥөтүн эрэгийэннээҕи порталын нөҥүө (e-yakutia.ru) түһэриэххэ эбэтэр «Мин докумуоннарым» кииҥҥэ биэриэххэ сөп.
Төлөбүрү анааһыҥҥа элбэх оҕолоох дьиэ кэргэн дохуота аахсыллыбат. Ол эрээри, төлөбүр суумата атын социальнай өйөбүл миэрэлэрин (оҕоҕо биир кэмнээх босуобуйа, ОДьХ субсидията) аныырга дьиэ кэргэн дохуотугар киирэр.
2024 сыллаахха 4662 элбэх оҕолоох дьиэ кэргэн ОДьХ төлөбүрүгэр чэпчэтиинэн туһаммыт. Чэпчэтии уопсай суумата 52 мөлүйүөнтэн тахса солкуобайга тэҥнэспит.
Хаартыска СӨ Ил Дарханын уонна Бырабыыталыстыбатын пресс-сулууспатын саайтыттан ылынылынна.
-
0
-
0
-
0
-
0
-
0
-
0
