"СОФИМ": 50 сыл ааспытын кэннэ...
Издательский дом Редакция Подписка
Погода в Якутске: . 1 oC

«СОФИМ» устудьуоннар тутар этэрээттэрэ тэриллибитэ 50 сылын көрсө, Бүлүү бөлөх улуустарынан айаҥҥа туруммут этэрээт Үөһээ Бүлүү улууһун Дүллүкү нэһилиэгэр ыалдьыттаан ааста.

«СОФИМ» устудьуоннар тутар этэрээттэрэ тэриллибитэ 50 сылын көрсө, Бүлүү бөлөх улуустарынан айаҥҥа туруммут этэрээт Үөһээ Бүлүү улууһун Дүллүкү нэһилиэгэр ыалдьыттаан ааста.

1972 сыллаахха "Дүллүкү” сопхуоска хонтуора дьиэтин туппуттар эбит. Ол саҕана кинилэр 17 саастаахтар эбит.  Манна кэлэн, тутууга үлэлииллэрин таһынан, сорохтор дэриэбинэ оҕолоругар сынньалаҥ лааҕырын тэрийэн үлэлэппиттэр. Римма Романовна, Светлана Иннокентьевна диэн кыргыттар оҕолорго араас ырыаны-хоһоону, саҥа үҥкүүлэри үөрэппиттэр, тыа оҕолоругар сонун тэрээһиннэри ыыппыттар.

 Үйэ аҥаарын уҥуордуур көрсүһүү нэһилиэк бибилэтиэкэтигэр  ыытылынна. «СОФИМ» тутар этэрээт чилиэннэрэ бары үөрэхтэрин бүтэрэн, физика, математика учууталларынан үлэлээбиттэр, ону таһынан сорохтор наука дуоктарыгар тиийэ үүммүттэр.

Дүллүкүгэ үлэлиир кэмнэригэр хамандыырдара Каратаев Василий Федорович эбит. Кини: "Оччотооҕуга 17-18 саастаах устудьуоннар, "Оскуола-производство-үрдүк үөрэх" девиһинэн 2-3-түү сыл сопхуоска үлэлээбит уонна сэбиэскэй аармыйа, байыаннай флот кэккэтигэр сулууспалаабыт ыччат, этэрээт тэринэн кэлэн, аан бастакыбытын Дүллүкүгэ тутууга үлэлээбиппит. Онон биһиэхэ Дүллүкү сүрэхпитигэр-быарбытыгар олус күндүтүк саныыр дойдубут буолар. Оччолорго сопхуос салалтата уонна олохтоохтор биһигини олус үчүгэйдик көрсүбүттэрэ. Эдэр устудьуон оҕолорго сопхуос хонтуоратын эрэнэн, итэҕэйэн туттарбыттара. Тыа сиригэр буровой массыына суох буолан, паарынан үрдэрии этэ",- диэн ахтан кэпсиир. 

d60a0fd6 e55e 4cc7 8675 bc8a0577d298

   Сайыҥҥы сылаас күҥҥэ "СОФИМ" байыастара бибилэтиэкэ тиэргэнигэр  олорон, үйэ аҥаарын анараа өттүнээҕи кэмнэрин олус интэриэһинэйдик, истиҥник санаан-ахтан, сиһилии кэпсээтилэр. Кинилэр биһиги саҕа саастарыгар сайыҥҥы кэмҥэ сынньаммакка, тыа сирин үлэтигэр көмөлөһөр,  үмүрүтэр сыаллаах үлэлииллэр-хамсыыллар эбит диэн сөҕө санаатыбыт.  Оччотооҕуга кинилэри кытары алтыспыт нэһилиэкпит ыччаттара, билигин аҕам саастаах дьон, көрсүһүүгэ кэлэн, ирэ-хоро кэпсэтэн, оччолорго дэриэбинэ олоҕун наһаа сэргэхсиппиттэрин, эдэр саастарын биир кэрэ, умнуллубат кэмин санаһан чэйдээн, өйдөбүнньүк хаартыскаҕа түстүлэр.

2b745209 dca6 4222 9abe dd98c321a5c5

Ыалдьыттарбыт айаннарыгар ыксыыр буолан, биир эрэ байыаһы кытта кэпсэтэн хааллыбыт -- Мария Ивановна Петрова:

--Биһиги бастакы куурус кэннэ 17-лээх оҕолор манна кэлэн, саамай бастакы “трудовой закалкабытын” Дүллүкүгэ ааспыппыт. Сопхуос дириэктэриттэн саҕалаан, нэһилиэнньэ барыта бүөбэйдээн кэриэтэ диэххэ сөп, аспытынан-үөлбүтүн хааччыйан, кыһалҕабытын барытын быһааран абыраабыттара. Наһаа үчүгэйдик сылдьыбыппыт.

Биһиги бары математиктар уонна физиктэр этибит. Мин үөрэхпин бүтэрэн баран, 45 сыл программиһынан үлэлээбитим. Эдэр сааспар тутар этэрээккэ сылдьыбытым суолтата олус улахан. Дьону кытта алтыһарга, кэлэктиипкэ бииргэ үлэлииргэ, уустуктары сүбэнэн туоруурга үөрэммиппит. Бүгүҥҥү көрсүһүүттэн наһаа үчүгэй өйдөбүллээх баран эрэбит.

Биһиги Дүллүкүгэ үлэлээбит кэммитин нэһилиэнньэ билиҥҥэ диэри өйдүү-саныы сылдьарыттан ис сүрэхпититтэн-дууһабытыттан наһаа үөрдүбүт, долгуйдубут, астынныбыт. Улахан махталбытын тиэрдэбит.

026f71c8 289f 4bb7 ac97 7f4f2acf790f

Сонун кэпсээннээх, сэргэх сэһэннээх, ырыа-тойук аргыстаах "СОФИМ" тутар этэрээт байыастара салгыы Сунтаар улууһугар тиийэ айаннаатылар. Дүллүкү олохтоохторо айан суола табылыннын, сыал-сорук туоллун диэн алгыы хааллылар.

Уруйдаана Афанасьева, Х кылаас,

 Анна Тобохова, IX кылаас,

 Дүллүкү, Үөһээ Бүлүү, "Эрчим" корпост.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости