Кытах, кытыйа, чабычах оҥорорбор былыргылыы быһаҕынан хаһан оҥоробун. Ыстаныагынан оҥорбоппун. Биир кэлим тиит эбэтэр хатыҥ урун ылан хаһабын, оҥобун. Мас ура сааһа суох буолар. Мас оҥоһуутун бэйэтинэн хаалларабын, симметричнэй оҥоро сатаабаппын. Оччоҕо ураты көстүүлээх буолар. Маны оҥорорго олус элбэх бириэмэ барар. Мас булуутуттан оҥоһук бэлэм буолуор диэри. Оттон оҥоһук оһуорун эмиэ быһаҕынан кыһабын. Барыта илии үлэтэ. Түүр омуктар иһиттэригэр-хомуостарыгар кыыл төбөтүн оҥороллоро. Оттон сахалар үс атахтаах чороонноругар ат төбөтүн, остуолларыгар ат атаҕын маарыннатан уһаналлара.
Ону таһынан, мин хамса оҥоробун. Табаҕы симэн уматарга аналлаах удьурҕайтан оҥоһуллубут төгүрүк быһыылаах төбөлөөх. Петр I табаҕы Европаттан аҕалыан иннинэ сахалар хамсаны тардар этилэр. Хамсаны түүр уонна монгуол омуктара Кытайтан аҕалаллара эбит. Ол иһин саха хамсатын көстүүтэ кытайдыыга майгынныыр.
Сандалыны оҥоруу кистэлэҥэ
Бэс ыйыгар туос хастааммын, күлүккэ хаптаччы ыарахан тимиринэн баттатабын. Кыһын дьиэҕэ киллэрэн, түөрт араҥалаах паньыараҕа «Момент» эбэтэр «Столяр» килиэйинэн сыһыаран баран, сандалы сабардамын саҕа паньыаранан баттата куурда уурабын. Сандалы атахтарын уһуна 10-ча см гына сүөһү сототун уҥуоҕун быстаталаан оҥоробун, ону алтанынан кыбытан киэргэтэбин. Сото уҥуоҕун иһигэр бэс маһынан киэптии угабын. Паньыара курдары самореһынан ыга эрийэбин. Сандалы сирэйигэр төһө баҕарар оһуор түһэриэххэ сөп. Ортотун бүк тутуллар иэччэҕэ тирии буолар.
Сиһилии "Ил Түмэн" хаһыакка ааҕаарыҥ.
-
1
-
0
-
0
-
0
-
0
-
0
