Юридическай полицейскай колледж
Издательский дом Редакция Подписка
Погода в Якутске: . -2 oC

Юридическай полицейскай колледж Дьокуускайдааҕы филиалыгар туттарсыы атырдьах ыйын 20 күнүгэр диэри ыытыллар, оттон миэстэлэр баар буоллахтарына, болдьох сэтинньи 25 күнүгэр диэри уһатыллар.

Юридическай полицейскай колледж Дьокуускайдааҕы филиалыгар туттарсыы атырдьах ыйын 20 күнүгэр диэри ыытыллар, оттон миэстэлэр баар буоллахтарына, болдьох сэтинньи 25 күнүгэр диэри уһатыллар.

Юридическай полицейскай колледж анал профессиональнай үөрэхтээһин тэрилтэтэ буолар. Колледж МЧС-ка, ИДьМ-ҥэ уо.д.а. биэдэмистибэлэргэ, өрөспүүбүлүкэ силовой булуогун тэрилтэлэригэр, профильнай министиэристибэлэргэ уонна структурнай подразделениеларга үлэлииргэ анаан аныгы, ирдэнэр идэни ылар кыаҕы биэрэр. Устудьуон үөрэҕин бүтэрэригэр орто профессиональнай үөрэхтээһин туһунан дьупулуом туттарыллар. Докумуону 3 идэҕэ хомуйаллар: «Баһаар кутталын туоратыы», «Быраабы көмүскүүр үлэ» уонна «Быраап уонна социальнай хааччыйыыны тэрийии».

Баһаар кутталын туоратыы

Үөрэх көрүҥэ – күнүскү. 11 кылаас кэнниттэн 2 сыл, 10 ый, оттон 9 кылаас кэнниттэн – 3 сыл, 10 ый үөрэнэллэр. Үөрэҕи бүтэрэн баран техник квалификациятын ылаллар. Ол аата баһаарынай харабыл чаастарыгар, бырамыысыланнас тэрилтэлэригэр, нэһилиэнньэлээх пууннарга баһаар кутталын туоратар, баһаары умуруорар, баһаарынай тиэхиньикэни баһылыыр идэлээх үлэһит буолан тахсаллар. Бу хайысхаҕа аттестат орто баалынан ылаллар.

Быраабы көмүскүүр үлэ

Бу хайысхаҕа күнүскү уонна кэтэхтэн үөрэххэ киириэххэ сөп. Күнүскү үөрэххэ 11 кылаас кэнниттэн 2 сыл, 6 ый, оттон 9 кылаас кэнниттэн – 3 сыл, 6 ый үөрэнэллэр. Кэтэхтэн үөрэх болдьоҕо – 3 сыл, 6 ый. Бу үөрэҕи бүтэрээччи юрист квалификациятын ылар. Бу идэҕэ сокуону уонна быраабы тутуһууну хааччыйар, буруйу оҥорууну уо.д.а. быраабы кэһиини утары охсуһар үлэҕэ исписэлиистэри бэлэмнииллэр. Хайысхаҕа аттестат орто баалынан ылаллар.

Быраап уонна социальнай хааччыйыыны тэрийии

Бу үөрэх бырагырааматыгар күнүс уонна кэтэхтэн үөрэниэххэ сөп. Күнүскү үөрэх болдьоҕо 11 кылаас кэнниттэн – 1 сыл, 10 ый, 9 кылаас кэнниттэн – 2 сыл, 10 ый. Кэтэхтэн үөрэх болдьоҕо – 2 сыл, 10 ый. Бу үөрэххэ юрист квалификациятын баһылыыллар. Бу үөрэх бырагырааматын бүтэрээччилэр биэнсийэнэн хааччыйыы, социальнай көмүскэл, быраабы туттуу уонна харыстааһын эйгэтигэр юрист, юрисконсульт, пааспар остуолун исписэлииһин быһыытынан, судаарыстыбаннай былаас уонна олохтоох бэйэни салайыныы уорганнарыгар уо.д.а. тэрилтэлэргэ үлэлиэхтэрин сөп. Киирии тургутуулар: күнүскү үөрэххэ – аттестат орто баала, кэтэхтэн үөрэххэ – бэсиэдэлэһии.

WhatsApp Image 2022 05 16 at 121147 1

Филиалга үөрэнии төлөбүрдээх

Колледж сокуонунан олоҕуран төлөбүрдээх үөрэх өҥөтүн оҥорор. 3 хайысхаҕа барытыгар диэн хайысхаларга 9 кылаас кэнниттэн киирээччилэр бастакы сылларыгар 97000 солкуобайы, 11 кылаас кэнниттэн – 88000 солкуобайы төлүүллэр. Оттон «Быраабы көмүскүүр үлэ» уонна «Быраап уонна социальнай хааччыйыыны тэрийии» диэн хайысхаларга кэтэхтэн үөрэнээччилэр бастакы кууруска 76000 солкуобайы төлүүллэр.

Киирэргэ наадалаах докумуоннар

Киириэн баҕалаах дьон сайабылыанньаларын, ону сэргэ наадалаах докумуоннарын буоста сибээһин эпэрээдэрдэринэн ыытар бырааптаахтар. Ону тэҥэ сайабылыанньаны уонна наадалаах докумуоннары колледж официальнай электроннай буостатын аадырыһыгар ыытыахха сөп: Адрес электронной почты защищен от спам-ботов. Для просмотра адреса в вашем браузере должен быть включен Javascript..

- пааспар куоппуйата;

- нотариуһунан бигэргэтиллибит үөрэҕирии туһунан докумуон куоппуйата;

- форма 086 У медицинскэй ыспыраапка (күнүскү үөрэххэ), ФЛГ (кэтэхтэн үөрэххэ), медицинскэй карта (9 кылааһы бүтэрээччигэ);

- 3×4 кээмэйдээх 6 хаартыска;

- харахтарыыстыка (күнүскү үөрэххэ);

- профилактическай быһыы туһунан сэртипикээт (күнүскү үөрэххэ);

- киирэргэ льгота ылар докумуоннар;

- приписной туоһу сурук эбэтэр байыаннай билиэт;

- ИДьМ-тэн сууттамматаҕын туһунан ыспыраапка (күнүскү үөрэххэ);

- ИНН, СНИЛС, медицинскэй страхование полиһа;

- психиатртан уонна наркологтан ыспыраапка.

Инбэлииттэр уонна доруобуйаларыгар хааччахтаах дьон үөрэххэ киирэллэригэр эбии анал усулуобуйаны тэрийэр наада буоллаҕына, инбэлиит буолууларын биитэр доруобуйаларыгар хааччахтаахтарын бигэргэтэр докумуону биэриэхтээхтэр.

Ордук бырааптаах дьон

Арассыыйа аармыйатыттан ууратыллыбыт байыаннай сулууспалаахтар уонна сулууспаларын иэһин толоро сылдьан өлбүт байыаннай сулууспалаахтар, ОВД, МЧС уо.д.а. силовой структуралар үлэһиттэрин оҕолоро филиалга киирии ордук быраабынан туһаналлар. Ол аата аттестат бааллара тэҥнэһэр түгэнигэр ордук бырааптаах гражданнары бастаан ылаллар.

Киирии тургутуута

Үөрэххэ ылыы үөрэхтээһин министиэристибэтинэн бигэргэтиллэр идэлэргэ киирии тургутуулар ыытыллаллар: «Баһаар кутталын туоратыы», «Быраабы көмүскүүр үлэ» – психологическай хаачыстыбалары тестирование көмөтүнэн бэрэбиэркэлээһин. Киирии тургутуутун түмүктэрэ зачетнай систиэмэнэн сыаналаналлар. Абитуриент киирии тургутуутун ситиһиилээхтик ааспыта үөрэх бырагыраамаларыгар сөп түбэһэр туһааннаах психологическай хаачыстыбалардааҕын туоһулуур. Колледжка олоххо киирэр орто профессиональнай үөрэхтээһин бырагыраамаларынан үөрэххэ ылыы, сүрүннээн, уопсай эбэтэр орто үөрэх аттестаттарын,  начальнай профессиональнай үөрэхтээһин, орто профессиональнай үөрэхтээһин, ону кытта үрдүк профессиональнай үөрэхтээһин дьупулуомнарын куонкуруһугар олоҕуран оҥоһуллар. Үөрэх туһунан докумуоҥҥа (аттестат, дьупулуом) үрдүк көрдөрүүлээх дьон бастаан ылыллаллар. Оттон орто бааллара тэҥнэспит дьонтон ордук бырааптаах киһи бастатыллар. Бааллара тэҥ уонна ордук бырааптара суох дьонтон профильнай дьисспилиинэлэринэн үрдүк бааллаахтара үөрэххэ бастаан киирэллэр. Ону сэргэ сүрүн уопсай үөрэхтээһин кууруһун судаарыстыбаннай түмүктүүр аттестациятын эбэтэр БКЭ түмүгэ учуоттанар.

***

Ол курдук, атын үөрэх тэрилтэлэригэр ылыы хамыыһыйатын үлэтэ түмүктэнэн эрэр буоллаҕына, Юридическай полицейскай колледж Дьокуускайдааҕы филиалыгар киирэргэ бириэмэ өссө баар. Онон нэһилиэнньэ уонна тулалыыр эйгэ куттала суох буолуутун хааччыйар хайысхаҕа үөрэнэ киириэххитин баҕарар буоллаххытына, идэни сөпкө талан үөрэнэр кыах баар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости