Докумуоҥҥа киирбитинэн, өскөтүн үнүбэрситиэккэ үөрэтии бырагырааматын хайысхата туттарсааччы орто үөрэххэ үөрэммит бырагырааматыгар сөп түбэһэр буоллаҕына, абитуриент үрдүк үөрэххэ киирии эксээмэнин туттарыаҕа.
Холобура, «Сиэстирэ дьыалатынан» орто үөрэҕи бүтэрээччи үрдүк үөрэх «Эмтиир дьыала» бырагырааматынан үөрэххэ киирэригэр Биир кэлим судаарыстыбаннай эксээмэн (ЕГЭ) түмүгүн биэрэрин оннугар киирии эксээмэни туттарар. Онтон, өскөтүн үөрэппит бырагырааматын хайысхата үөрэниэхтээх бырагырааматыгар сөп түбэспэт буоллаҕына, туттарсааччы Биир кэлим судаарыстыбаннай эксээмэни туттарар. Холобура, туттарсааччы «Бухгалтерскай учуоту» бүтэрэн баран «Эмтиир дьыалаҕа» киирэр буоллаҕына.
Госдуума наукаҕа уонна үрдүк үөрэххэ кэмитиэтин бастакы солбуйааччыта Александр Мажуг этэринэн, бу уларыйыылар орто үөрэҕи бүтэрбиттэри үрдүк үөрэххэ ылыы хаамыытын судургутутуохтара уонна аһаҕас оҥоруохтара.
Иһитиннэрии уонна хаартыска: https://www.pnp.ru/social/sovfed-odobril-izmeneniya-v-prieme-vypusknikov-kolledzhey-v-vuzy.html
-
0
-
0
-
0
-
0
-
0
-
0
