Курултай вице-спикерэ - Саха Сиригэр
Издательский дом Редакция Подписка
Погода в Якутске: . -40 oC

Башкортостан Курултай Судаарыстыбаннай парламенын Бэрэссэдээтэлин солбуйааччы, норуоттар икки ардыларынааҕы дуобакка аан дойду сэттэ төгүллээх чөмпүйүөнэ Тамара Тансыккужина Саха Сиригэр ыалдьыттыыр.

Башкортостан Курултай Судаарыстыбаннай парламенын Бэрэссэдээтэлин солбуйааччы, норуоттар икки ардыларынааҕы дуобакка аан дойду сэттэ төгүллээх чөмпүйүөнэ Тамара Тансыккужина Саха Сиригэр ыалдьыттыыр.


Башкортостан парламенын дьокутаата Саха Сирин физическэй култуураҕа уонна успуорка миниистирин э.т. Алексей Бугаевтыын көрүстэ. Хааччахтааһын кэмигэр Россия спортсменнара араас таһымнаах күрэхтэргэ кытталларын ырыттылар.
Бырабыыталыстыба вице-премьерэ Сергей Местниковтыын эрэгийиэннэр икки ардыларынааҕы сибээстэрин тула кэпсэттилэр.
Маны тэҥэ кини Ил Түмэн Бэрэссэдээтэлэ Алексей Еремеевтиин, наукаҕа, үөрэҕириигэ, култуураҕа, маассабай информациялар сириэстибэлэрин уонна уопсастыбаннай тэрилтэлэр сис кэмитиэттэрин бэрэссэдээтэлэ Феодосия Габышевалыын, ыччакка, физическэй култуураҕа уонна успуорка сис кэмитиэт бэрэссэдээтэлэ Михаил Гуляевтыын көрүстэ.
– Киэҥ хабааннаах боппуруостары ырыттыбыт. Холобур, успуорт, үөрэхтээһин, төрүт тыллары өйөөһүн уонна сайыннарыы эйгэлэрин. «Маша и медведь», «Смешарики» о.д.а. нуучча мультфильмнарын сахалыы тыллаан таһаарар бэртээхэй практика баар эбит. Кэлэн иһэр 2023 сыл Педагог уонна настаабынньык сылынан биллэриллибитинэн, учуутал идэтин престиһин таһаарыыга кэпсэттибит. Маны тэҥэ, төрөөбүт тылы харыстыыры, сайыннарыыны, эрэгийиэн киинэ таһаарыытын өйөөһүнүн, IТ-эйгэни эмиэ таарыйдыбыт, - диэн Тамара Тансыккужина этэр.
Балаҕан ыйын 6-8 күннэригэр Башкортостан парламенын вице-спикерэ Россия үтүөлээх тренерэ Николай Кычкин өйдөбүлүгэр ыытыллыбыт Россия таһымнаах нуучча уонна 100 харахтаах дуобатыгар күрэхтэһиигэ кытынна.
Балаҕан ыйын 7 күнүгэр Матрена Ноговицыналыын, билигин норуоттар икки ардыларынааҕы дуобакка чөмпүйүөнкэни кытары күөн көрүстүлэр. НКиХ быһа эфиригэр ыытыллыбыт тыҥааһыннаах киирсиини Сахабыт Сирин олохтоохторо сэҥээрэ көрдүлэр. Кыайыылааҕынан биһиги кыыспыт Матрена Ноговицына тахсан, 150 тыһыынча солкуобай суумалаах бириэмийэ ылла, оттон Тамара Тансыккужина 50 тыһыынча солкуобайдаах бирииһи тутта.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости