Дьокутааттар үөрэхтээһин эйгэтигэр көҕүлүүр сокуоннара
Издательский дом Редакция Подписка
Погода в Якутске: . -2 oC

Госдума күһүҥҥү сиэссийэтигэр иитиигэ, үөрэххэ сыһыаннаах сокуон барылларын көрөллөр. Олортон сүрүннэрин ааҕыҥ.

Госдума күһүҥҥү сиэссийэтигэр иитиигэ, үөрэххэ сыһыаннаах сокуон барылларын көрөллөр. Олортон сүрүннэрин ааҕыҥ.

Эпиэкэҕэ сылдьар оҕолор биир үөрэх тэрилтэтигэр үөрэниэхтээхтэрин, уһуйуллуохтаахтарын туһунан сокуон барылын маҥнайгы ааҕыыга ылыннылар.

Көҕүлээһин РФ Дьиэ кэргэҥҥэ кодексатын 54-с уонна үөрэх туһунан сокуон  67-с ыстатыйаларыгар уларыйыылары ирдиир. “Иитиигэ уонна эпиэкэҕэ сылдьар оҕолор биир оскуолаҕа, уһуйааҥҥа киириэхтээхтэр”, -- диэн «Сиэрдээх Арассыыйа» фракциятын бэрэссэдээтэлэ Сергей Миронов туруорсар.

Үөрэҕирии кэмитиэтин салайааччыта Ольга Казакова этэринэн, билиҥҥитэ үөрэх тэрилтэлэрэ маннык дьиэ кэргэннэри өйүүллэрин бэлиэтээтэ. Ол эрээри сорох түгэннэргэ, сокуонунан куоһурданан, оскуолаҕа, уһуйааҥҥа миэстэ биэрбэт түгэннэрэ баар. «Ол иһин сокуонунан бигэргэтэрбит сөптөөх”, - диэтэ кини.

***

Дьокутаат Яна Лантратова этэринэн, уопсай үөрэхтээһин федеральнай саҥа бырагыраамаларын сокуона ылылыннаҕына, үөрэнээччилэр мөлтөх, намыһах хаачыстыбалаах, сыыһалардаах учуобунньуктарынан үөрэнэн бүтүө этилэр.

“Үөрэҕирии министиэристибэтэ учуобунньук ис хоһоонугар эппиэтинэһи толору сүгүөхтээх. Бу боппуруоска биир эрэ эппиэттээччи баар буолуохтаах, сүүс тэрилтэҕэ, киһиэхэ найыламмакка. Билиҥҥи туругунан бу салаа ырыынак систиэмэтигэр үлэлиир хайысха курдук, эппиэтээччи диэн суох”, -- диир кини.

 ***

Дьокутаат Борис Пайкин оскуола үөрэнээччилэрин истэригэр ыытыллыбыт ыйытык хоруйдарын үөрэтэн баран, аныгы оҕолор үрдүк үөрэххэ буолбакка, орто үөрэххэ ордук талаһалларын бэлиэтээбит. Онон училищелары, колледжтары аныгы оборудованиенан хааччыйан, саҥа таһымҥа таһаарарга, орто анал идэлэр имиджтэрин үрдэтэргэ туруорсар.

***

“Сиэрдээх” Сергей Миронов оскуолаҕа босхо аһалыгы тэрийии тиһигэ уларыйарыгар этии киллэрдэ. Бу социальнай боппуруоһу судаарыстыба хонтуруолга ылыахтааҕын ыйар. Маны тэҥэ кини: “Болҕомто ас чэпчэки сыанатыгар буолбакка, хаачыстыбатыгар ууруллуохтаах”, -- диир.

Инникитин оскуолаҕа аһалык бары категория үөрэнээччилэргэ босхо буолуохтаах. Судаарыстыба хонтуруолун төнүннэрэр сыалтан, аһылык муниципальнай кэмбинээттэрэ уонна оскуола пищеблоктара сөргүтүллүөхтэрэ.

*

ЕГЭ-ни туттарыы киэбэ, ирдэбилэ анал эпэрээссийэҕэ майгынныырын, сорох түгэннэрэ киһи өйүгэр баппат майгылааҕын дьокутаат Ирина Филатова бэлиэтээтэ. Сорох оҕолор бу психологическай ноҕоруусканы уйбаттар, ол иһин оскуоланы тохсуһунан бүтэрии элбээтэ. Бүтэрээччи 60%-на эрдэтинэ техникумнарга уонна колледжтарга барар буолла. Биллэн турар, түргэнник үлэһит буолан, хамнас аахса охсоору буолбатах. Сүрүн биричиинэлэрэ – ЕГЭ туттарыытыттан куотунуу”, -- диэн парламентарий баар балаһыанньаны ыраас мууска ууран биэрдэ. Онон кэлим судаарыстыбаннай эксээмэни баҕа өттүнэн туттарыы туһунан сокуон барылын миэстэтиттэн “хамсатарга” ыҥырда.

***

«Сиэрдээх Арассыыйа» фракциятын салайааччытын маҥнайгы солбуйааччы Олег Нилов: “Устудьуоннар ылар истипиэндьийэлэрэ тииһинэн олоруу алын кээмэйигэр тэҥ буолуохтаах. Оннук буолбат түгэнигэр, испиэндьийэ умнаһыкка бэрсии эрэ курдук”, -- диэн эттэ. Устудьуоннар астарын булунарга, үлэлииргэ күһэллэллэрин санатта. Ол билиини ылыыга охсуулааҕын ыйда.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости