Тэрээһин Саха АССР тэриллибитэ 100 уонна Сахабыт Сиригэр биллэриллибит Ийэ сылыгар туһуланна.
Форумҥа өрөспүүбүлүкэбит араас муннугуттан актыбыыстар, уосастыбаннай көҕүлээһиннэрдээх лиидэрдэр кыттыыны ыллылар.
Сугулаан сүрүн сыала -- гражданскай уопсастыба, судаарыстыбаннай уонна муниципальнай уорганнар икки ардыларыгар социальнай партнер буолууну олохтооһун.
Дэлэгээттэр биэс араас хайысханан арахсыбыт былаһааккаларынан үлэлээтилэр. Спикердэринэн СӨ Ил Түмэн дьокутааттара, уопсастыбаннай палаата чилиэннэрэ, биллэр уопсастыбаннай диэйэтэллэр, бэлиитииктэр, учуонайдар, педагогтар уо.д.а. буоллулар.
Мустубуттар патриотическай иитиигэ култуура, үөрэх тэрилтэлэрин кыттыннарыы, уопсастыбаннай хонтуруолу күүһүрдүү, ийэ уонна оҕо аймах харыстабылын туһунан ирэ-хоро кэпсэттилэр, туһааннаах боппуруостары дириҥ хорутуулаахтык ырыттылар. Араас сэминээрдэр, маастар-кылаастар буоллулар.
Сиэссийэлэргэ киин сиртэн кэлбиттэр эспиэрдээтилэр. Ол иһигэр бэрэсидьиэн граннарын пуондатыттан бэрэстэбиитэллэрэ бааллар.
Бүгүн түмүктүүр тэрээһининэн пленарнай мунньах ыытыланна. Биэс былаһааккаттан киирбит этиилэргэ олоҕуран, Резолюция ылылынна. Киирбит этиилэр тустаах уорганнарга туһаайыллыахтара.
Форуму СӨ Уопсастыбаннай палаатата уонна ыччат министиэристибэтэ иилээн-саҕалаан ыытта.
- 1
- 0
- 0
- 0
- 0
- 0