Манна 2015-2018 сылларга лицензияларын ылбыттар хабыллаллар. Болдьохторо бүтэн эрээччилэр СӨ Тутууну уонна дьиэни-уоту хонтуруоллуур судаарыстыбаннай управлениетыгар алтынньы 12 күнүттэн сэтинньи 2 күнүгэр диэри тиийэллэрэ этиллэр.
Госстройжилнадзор салайааччыта Павел Аргунов:
--Лицензия болдьоҕун уһатарга ирдэбиллэри толорууга бириэмэ барыан сөп. Ол иһин управляющай хампаанньалар билиҥҥэттэн саҕалаан лицензия ирдэбиллэригэр сөп түбэһэллэрин бэрэбиэркэлэниэх тустаахтар. Кэһиилэри туоратыахтаахтар. Өскөтүн сайаапка көрүүтүн саҕана ирдэбилгэ эппиэттээбэт буоллахтарына, тэрилтэ элбэх кыбартыыралаах дьиэни салайартан 2023 сыл тохсунньу 11 күнүттэн туоратыллыан сөп, - диэн эттэ кини.
Лицензия болдьоҕун уһатарга сүрүн ирдэбиллэр: болдьоммут кэмҥэ сайабылыанньа киириэхтээх, хас биирдии көрүллэр дьиэ толору информацията “ГИС ЖКХ” толоруллуохтаах, управляющай хампаанньа салайааччыта квалификационнай аттестаттаах, предписаниета, ресурсанан хааччыйар тэрилтэлэр иннилэригэр иэһэ суох буолуохтаах, о.д.а.
Сайабылыанньа биэдэмистибэҕэ киириэҕиттэн 15 үлэ күнүн иһинэн көрүллэр. Маны тэҥэ лицензия уһатыытын Госуслуги портал нөҥүө оҥоруохха сөп.
-
0
-
0
-
0
-
0
-
0
-
0
