“Госуслуги Дом” сыһыарыы үлэлиэҕиттэн, Сахабыт Сирин араас муннуктарыттан элбэх кыбартыыралаах дьиэни-уоту көрүүгэ 2340 кэллэктиибинэн сурук киирбит, ол иһигэр быйыл муус устар ыйга – 258.
Олохтоохтору үксүн олбуор ыраастаммата, хоруобуйа уонна уу сүүрэр халдьата алдьаныыта, киирэр аан, лифтар үлэлэрэ, оҕо былаһааккаларын туруга долгутар.
Маннык кэллэктиибинэн сайаапканы бастаан утаа “Госуслуги Дом” сыһыарыыга биир олохтоох оҥорор. Ол сыһыарыыга тахсыбытын кэннэ, ыаллыы олорооччулар кыттыһаллар, тустаах куолас хомуллубутун кэннэ, ааптар управляющай хампаанньаҕа ыытар.
“Сыһыарыынан кэллэктиибинэн сайаапка ыстаатыһын бэрэбиэркэлиэххэ сөп. Маннык үлэ сайаапканан үлэни ордук дьэҥкир уонна олохтоохторго табыгастаах оҥорор”, - диэн Саха Өрөспүүбүлүкэтин Судаарыстыбаннай тутууну уонна дьиэни-уоту көрөр, хонтуруоллуур управлениетын салайааччыта Павел Аргунов этэр.
Маны сэргэ, “Госуслуги Дом” сыһыарыынан счетчиктар көрдөрүүлэрин биэрэллэр, ОДьКХ өҥөтө төлөнөр, кэллэктиибинэн суруктары суруйуохха, уопсай мунньахтарга кыттыаха, дьиэ туһунан иһитиннэриилэри билсиэххэ сөп.
Сыһыарыы сорох өҥөлөрүн элбэх кыбартыыралаах дьиэлэр МАХ сыһыарыынан кэлэр чат боттарынан туһаналлар.
Сыһыарыыны бу сигэнэн туруорунуохха сөп диэн управление сүбэлиир: https://clck.ru/3QnbZq.
-
0
-
0
-
0
-
0
-
0
-
0
