Даҕатан эттэххэ, бу куонкуруска Айталина Адамова 2002 сыллаахха кыайан турар. Билигин кини СӨ оператын уонна балетын судаарырыстыбаннай тыйаатырын солистката, Арассыыйа үтүөлээх артыыһа, СӨ норуотун артыыһа, Норуоттар икки ардыларынааҕы куонкурустар лауреаттара, XII Чайковскай аатынан норуоттар икки ардыларынааҕы куонкурус сопранаҕа кыайыылааҕа.
Култуура уонна духуобунай сайдыы миниистирин солбуйааччы Марина Силина иһитиннэрбитинэн, быйылгы күрэхтэһиигэ 23 дойдуттан музыканнар кытталлар.
236 бастыҥтан бастыҥ музыканнар Арассыыйаттан, Италияттан, АХШ-тан, Сербияттан, Казахстантан, Соҕуруу Кореяттан, Японияттан, Кытайтан, Францияттан, Великобританияттан, Грузияттан, Молдоваттан, Германияттан, Беларусияттан, Азербайджантан, Узбекистантан, Монголияттан, Вьетнамтан, Словенияттан, Венесуэлаттан, Канадаттан, Коста-Рикаттан уонна Австралияттан күөн көрсүөхтэрэ. Ол иһигэр 25 пианист, 25 скрипач, 25 виолончелист, 30 вокалист (дьахталларга) и 35 вокалист (эр дьоҥҥо), 96 духовой инструменнарга толорооччулар.
Хаартыска: Култуура уонна духуобунай сайдыы министиэристибэтин саайтыттан
-
0
-
0
-
0
-
0
-
0
-
0
