СӨ тыатын хаһаайыстыбатын миниистирин солбуйааччы Артем Александров иһитиннэрбитинэн, быйылгы тэрээһин уратылардаах буолуо. Кыттааччылар уонна көрөөччүлэр ахсааннарын элбэтиигэ, табыгастаах усулуобуйа тэрийэргэ ураты болҕомто ууруллуо.
“Саха Сирин тыатын хаһаайыстыбатын министиэристибэтэ балаҕан ыйыгар үтүө үгэскэ кубулуйбут өрөспүүбүлүкэтээҕи быыстапка-дьаарбаҥканы тэрийиэ. Тэрээһиҥҥэ аһы-үөлү оҥорон таһаарааччылар, агро хайысхалаах оскуолалар кытталлар.
“Саха Сирин бородуукталара” СХПК саҥардыллыбыт концепцияны уонна бырагыраамманы оҥоро сылдьар. Дьаарбаҥка уон күн устата сарсыарда 10 чаастан киэһээ 19 чааска диэри Комсомольскай болуоссаккка үлэлиэ. Араас маастар-кылаастар, аһы амсайааһын, саҥа бородуукталары билиһиннэрии, кэнсиэрдэр ыытыллыахтара. Маны тэҥэ “төгүрүк остуолларга” эспиэрдэр бэйэлэрин уопуттарын кэпсиэхтэрэ. Бастыҥ табаардар хаачыстыба куонкуруһугар күөн көрсүөхтэрэ. Дьаарбаҥка үгэс быһыытынан АГАТУ ипподромугар ат сүүрдүүтүнэн түмүктэниэ”, - диэн Артем Александров кэпсээтэ.
Тыа хаһаайыстыбатын министиэристибэтэ урбаанньыттары, аһы-үөлү оҥорон таһаарааччылары көхтөөх кыттыыны ылалларыгар ыҥырар. Быыстапкаҕа кыттыы бэйэ табаарын киэҥ араҥаҕа билиһиннэриигэ бэртээхэй кыах биэрэрин, атын оҥорон таһаарааччылары кытары билсэргэ былаһаакка, табаары хамаҕатык батарарга усулуобайа буоларын санатар.
Хаартыска: Тыа хаһаайыстыбатын министиэристибэтин саайтыттан
-
0
-
0
-
0
-
0
-
0
-
0
