Бу иннинэ Судаарыстыбаннай Дуума спикерэ Вячеслав Володин сокуон гражданнары көмүскүө уонна дохуоттарын улаатыннарыа диэн бэлиэтээбитэ. Кини санаппытынан, хамнас алын кээмэйин 2024 сыл тохсунньу 1 күнүттэн 18,5% улаатыннарыыны РФ Бэрэсидьиэнэ Владимир Путин сорудахтаабыт. Саҥа сокуон 4,8 мөл. киһи хамнаһын улаатыннарарга кыаҕы биэрэр.
Госдума үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин чилиэнэ Екатерина Стенякина ("Биир ньыгыл Арассыыйа"), саҥа нуормаларынан бүддьүөт үлэһиттэрин хамнастара үрдүө диир. Маны тэҥэ, үлэтэ суох буолууга, ыалдьыыга, оҕолонууга социальнай төлөбүрдэр улаатыахтара. Маны тэҥэ кини Арассыыйаҕа аан маҥнайгытын олоруу алын кээмэйиттэн хамнас алын кээмэйэ үрдүк буолбутун эттэ.
Хаартыска: «БИЗНЕС Online»
- 0
- 0
- 0
- 0
- 0
- 0