Издательский дом Редакция Подписка
Погода в Якутске: . 23 oC

Кулун тутар 22 күнүгэр Мэҥэ Хаҥалас Майа сэлиэнньэтигэр Өрөспүүбүлүкэтээҕи төрөппүт иккис сугулаана тэрилиннэ. Саха Сирин 6 улууһуттан 278 киһи кыттыылаах улахан тэрээһин 3 төгүрүк остуолунан барда. Бу күн оҕону төрүөҕүттэн сахалыы иитэр эдэр ыаллары сырдатар «ЫТЫК ЧЫЫБЫСТААН» видео-устуулар көрүү-күрэһин түмүгүн таһаардылар.

Кулун тутар 22 күнүгэр Мэҥэ Хаҥалас Майа сэлиэнньэтигэр Өрөспүүбүлүкэтээҕи төрөппүт иккис сугулаана тэрилиннэ. Саха Сирин 6 улууһуттан 278 киһи кыттыылаах улахан тэрээһин 3 төгүрүк остуолунан барда. Бу күн оҕону төрүөҕүттэн сахалыы иитэр эдэр ыаллары сырдатар «ЫТЫК ЧЫЫБЫСТААН» видео-устуулар көрүү-күрэһин түмүгүн таһаардылар.

Бастакы төгүрүк остуолу  Мэҥэ Хаҥалас улууһун сүрүн педиатр бырааһа Жанна Петровна Адамова салайбыт кэпсэтиитэ. Манна невролог быраас, “Ийэ тыл кэскилэ” хамсааһын кыттыылааҕа Гульнара Ивановна Софронова олус интэриэһинэй иһитиннэриилэри оҥордулар. Ол курдук, оҕо ийэ иһигэр уонна үс сааһыгар диэри мэйиитин сайдыытын кэрчиктэрэ оҕо саҥарар дьоҕуругар дьайыытын туһунан кэпсээтилэр, сүбэлэри биэрдилэр.

45

Иккис кэпсэтиини Мэҥэ Хаҥалас улуустааҕы кыраайы үөрэтэр түмэлин дириэктэрэ, блогер Михаил Масаха салайда. Манна алгысчыт Кулан Хаан Байаҕантай төрөөбүт тыл – киһи олоҕун оҥостор сүрүн күүһэ буоларын туһунан кэпсээтэ, сүбэлээтэ.
Үһүс төгүрүк остуолу “Ийэ тыл кэскилэ” Өрөспүүбүлүкэтээҕи хамсааһын салайааччыта Вилюяна Николаевна Никитина салайда. СӨ Билимин Акадьыамыйатын Төрөөбүт тыллары чинчийэр киинин сүрүн научнай үлэһитэ Светлана Степановна Семенова, СӨ Ил Дарханын уонна СӨ Бырабыыталыстыбатын Тыллар сайдыыларын управлениетын салайааччыта Жиркова Римма Романовна кытыннылар. Кинилэр оҕо ийэ тылынан тылланыыта – омукпут тыын соруга буоларын, төрөппүтү кытары үлэни тэрийии ис хоһоонун тула кэпсэттилэр.
Бу сугулааны СӨ үөрэҕин уонна билимин министиэристибэтэ, Өрөспүүбүлүкэтээҕи «Ийэ тыл кэскилэ» уопсастыбаннай тэрилтэ, Мэҥэ Хаҥалас улууһун дьаһалтата тэрийдилэр. Маныаха Саха Өрөспүүбүлүкэтигэр саха тылын, литэрэтиирэтин уонна култууратын үөрэтии кэнсиэпсийэтин «Төрөппүт кыһата» бырайыагын олоххо киллэрии чэрчитигэр уонна Өрөспүүбүлүкэтээҕи төрөппүт бастакы сугулаанын быһаарыытыгар олоҕурдулар.

678

II Өрөспүүбүлүкэтээҕи төрөппүт сугулаанын чэрчитинэн "Барҕарыы " пуонда бириис туруоран оҕону төрүөҕүттэн сахалыы иитэр эдэр ыаллары сырдатар «ЫТЫК ЧЫЫБЫСТААН» видео-устуулар көрүү-күрэһин түмүгэ таҕыста. Барыта 25 үлэ киирдэ, онтон 3 кыайыылаах быһаарылынна.
Тэрээһини көҕүлээччи, “Ийэ тыл кэскилэ” Өрөспүүбүлүкэтээҕи хамсааһын салайааччыта Вилюяна Никитина санаатын маннык үллэстэр: “Тэрээһин Өрөспүүбүлүкэтээҕи төрөппүт иккис сугулаанын чэрчитинэн ыытылынна. Аан бастаан былырыын Дьокуускай куоракка саха тылын уонна саха литературатын учууталларын сийиэстирин түмүгүнэн буолбута. Былырыын 150 киһи кыттыбыт буоллаҕына, быйын 278 буоллулар. Маҥнайгы көрсүһүүбүтүгэр сугулааны улуустан улууска көһө сылдьан тэрийэргэ быһаарыммыппыт. Онон эһиил Намҥа ыытыллыа диэн быһаардыбыт. Бу куонкурус туһунан этэр буоллахха, эдэр төрөппүттэр кыра оҕолорун сахалыы саҥардан иитэллэригэр туһуланна. Маныаха кинилэр тус холобурдара баар буолуохтаах”.
Маҥнайгы миэстэни Мэҥэ Хаҥалас Майатыттан Михаил Аркадьевич уонна Вероника Николаевна Самсоновтар дьиэ кэргэннэрэ ылан 10 000 солк. наҕараадаланнылар.
Устууну бу сигэнэн көрүҥ:

https://youtu.be/uvddde8VWyY

Иккис миэстэҕэ Дьокуускайтан Мария Михайловна уонна Андрей Михайлович Потаповтар дьиэ кэргэннэрэ, 7000 солк. наҕараадаланнылар.
Устууну бу сигэнэн көрүҥ:

https://youtu.be/gY2nGz7xd4Y

Үһүс бочуотттаах миэстэҕэ Горнай Маҕараһыттан Лидия Алексеевна уонна Дмитрий Анатольевич Уваровскайдар. Кинилэргэ 5000 солк. бириэмийэ туттарылынна.
Устууну бу сигэнэн көрүҥ:


https://youtu.be/hGr83xj3oOU?feature=shared

2910

Кыайыылаахтарга истиҥ эҕэрдэ, өссө даҕаны үрдүктэн үрдүк ситиһиилэри.

  • 1
  • 2
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением