Издательский дом Редакция Подписка
Погода в Якутске: . 6 oC

Бүгүн, олунньу 20 күнүгэр Дьокуускай куорат IT-пааркатыгар Лилия уонна Ньургун Бэчигэннэр саха тылын үөрэтэр “Сахалыы” диэн мобильнай сыһыарыыларын иккис түһүмэҕин сүрэхтэниитэ буолла.

Бүгүн, олунньу 20 күнүгэр Дьокуускай куорат IT-пааркатыгар Лилия уонна Ньургун Бэчигэннэр саха тылын үөрэтэр “Сахалыы” диэн мобильнай сыһыарыыларын иккис түһүмэҕин сүрэхтэниитэ буолла.

Санатан эттэххэ, Бэчигэннэр ИТ-паарка резиденнэрэ буолаллар. Кинилэр сыһыарыы нөҥүө сахалыы саҥарарга үөрэниэн баҕалаахтарга онлайн көрүҥүнэн уонна кэлэн үөрэнэр бөлөхтөрү арыйан, үлэлэтэ сылдьаллар. Иккис түһүмэх СӨ судаарыстыбаннай уонна официальнай тылларын харыстааһын уонна сайыннарыы бырагыраамматын көмөтүнэн олоххо киирдэ.

2

Лилия Бэчигэн, бырайыагы төрүттээччи, менеджер кэпсээбитинэн, сахалыы үөрэммэтэх, саҥарбат дьон элбэх. Кинилэр улаатан баран, сахалыы саҥарарга үөрэниэхтэрин баҕарбыттарын да иһин, улахан дьону үөрэтэр куурустар суохтар. Онон кинилэр аныгы үйэҕэ онлайн көрүҥүнэн да, кылааска тиийэн да саха тылын үөрэтэр кыах киллэрбиттэр. Сүрүн болҕомтону саха тылын быраабылаларыгар эрэ буолбакка, кэпсэтэргэ, саҥарарга үөрэнэргэ уурбуттар. Онон түргэнник саҥара үөрэниэххэ сөп. Билиҥҥитэ үөрэнээччилэр Саха Сириттэн эрэ буолбакка, тас дойдулартан кытары бааллар. Ол иһигэр Финляндияттан, Ирландияттан, Америкаттан, Италияттан.

Сыһыарыы иккис түһүмэҕэр олимпиадалар эбиллибиттэр. Кыттааччылар тургутуктарын түмүгүнэн онлайн сэртипикээт ылаллар, бааллары сыһыарыы бэйэтэ ааҕар буолан, кыайыылаахтары билии тутатына биллэр. Саҥа видео сорудахтар, үөрэнэргэ инфографика эбиллибит. Авторизация ааһыыта маҥнайгы түһүмэххэ СМС нөҥүө эбит буоллаҕына, билигин электроннай пуочтанан. Онон аан дойду ханнык баҕарар муннугуттан олорон сыһыарыынан  туһаныахха, тылбытын үөрэтиэххэ сөп.

Сыһыарыыны бүгүҥҥү туругунан  6300 киһи хачайдаабыт. Инникитин сыһыарыыны сайыннаран, тылы үөрэтэн саҕалааччыларга эрэ буолбакка, кыра оҕолорго, уус-уран саҥарыыга, суруйууга көмө буолуон баҕаралларын иһитиннэрдэ.

1

СӨ Инновацияҕа, сыыппара сайдыытыгар уонна инфокоммуникационнай технологияларга миниистирэ Василий Ефимов сыһыарыы саҥардыллан иккис түһүмэҕэ сүрэхтэммитинэн эҕэрдэлээтэ.  Бу бырайыак социальнай хайысхалааҕын тоһоҕолоото. Сыһыарыы ис-тас көстүүтэ, тутулун оҥоруута тупсубутун бэлиэтээтэ. “Үчүгэй бырайыак олоххо киирэн сахалыы саҥарааччы ахсаана элбээтин, баҕалаахтарга төһүү күүс-көмө буоллун”, - диэн эттэ.

3

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
В Ил Тумэне

Связующее звено

На очередном пленарном заседании Госсобрания Якутии депутатам предстоит утвердить членов…
20.04.24 11:51