Бырайыак чэрчитинэн бу күннэргэ “Сахамедиа” хампаанньа салалтатыгар көрсүһүү буолла. Бу туһунан "Ийэ тыл кэскилэ" Өрөспүүбүлүкэтээҕи хамсааһын салайааччыта Вилиюна Никитина иһитиннэрэр.
“Бу күннэргэ “Сахамедиа” салайааччытын Виктор Джамаханович Колесов хоһугар генеральнай дириэктэр солбуйааччыта, политолог Чокуур Гаврильевы уонна Национальнай бибилиэтиэкэ дириэктэрин солбуйааччытын Василий Борисовы кытары көрүстүбүт. Манна даҕатан эттэххэ, национальнай бибилэтиэкэ, АГИКИ уонна ХИФУ Оҥоһуу өй (искуственнай интеллект) сахалыы саҥарарыгар үлэлэһэллэр. Инникитин “Алиса” курдук сахалыы саҥарар Оҥоһуу өй баар буоларын туһугар, билигин элбэх сахалыы куолаһы устуохтаахтар. Олус элбэх саҥа баар буолуохтаах. Мөлүйүөнүнэн. Төһөннөн элбэх да, оччонон үчүгэй. Онон уопсастыбанньыктар, информацияны киэҥник тарҕатааччылар, саха тылын туһугар ыалдьааччылар бары көҕүлээн саайка киирэн саҥабытын устан көмө буолуох тустаахпыт. Чокуур Гаврильев: “Тыл инникитэ - Оҥоһуу өй сахалыы саҥарарыттан улахан тутулуктаах”, - диэн этиитин сөбүлэһэбин. Онон бары кытаатан, оскуола оҕолорун, нэһилиэнньэни көҕүлээн үтүө дьыалаҕа кыттыһыахха, бэйэбит төрүт тылбытынан саҥарыахха”, - диэн ыҥырар.
Күндү доҕоттор! Туора турбакка үтүө дьыалаҕа кыттыһыахха, бу ссылканан кирэн куоласпытын үйэтитиэххэ: https://voice.nlrs.ru/
-
0
-
0
-
0
-
0
-
0
-
0
