Издательский дом Редакция Подписка
Погода в Якутске: . 23 oC

“Үлэ киһитэ - 2024” бириэмийэ лауреатынан Петр Николаевич Андреев, “Орто дойду” туркомплекс салайааччыта буолла. Бу эйгэҕэ үлэлээбитэ номнуо 26-с сыла.

“Үлэ киһитэ - 2024” бириэмийэ лауреатынан Петр Николаевич Андреев, “Орто дойду” туркомплекс салайааччыта буолла. Бу эйгэҕэ үлэлээбитэ номнуо 26-с сыла.

Петр Андреев идэтинэн тутааччы-инженер. Өр сылларга олох-дьаһах хомунаалынай эйгэтигэр үлэлээбит, ититэр ситимнэри оҥоруунан дьарыктаммыт. Өрөспүүбүлүкэ араас муннуктарыгар хочуолунайдары тутан, үлэҕэ киллэрбит, дьон махталын ылбыт.

1998 сыллаахха “Орто Дойду” эрэстэрээн аанын тэлэччи аһан, маҥнайгы ыалдьыттарын көрсүбүттэр.  2018 сылтан толору хааччыллыылаах, ититиллэр, Wi-Fi-даах кыра дьиэлэри тутан саҕалаабыттар.

Бу дьиэ кэргэнинэн уопсай дьыалалара. Күн ахсын саҥаны толкуйдуу, тобула сатыыллар.

Инники былааммыт киэҥ. Быйыл  24 хостоох улахан гостиница тутар сыаллаахпыт. Ол холобурунан, чугас сытар улуустарга тутуулары ыытар баҕалаахпыт. Оччотугар Саха Сиригэр туризм күүскэ уонна хаачыстыбалаахтык сайдыа диэн толкуйдуубут. Тоҕо диэтэр, тыа сиригэр тупсаҕай дьиэлээх-уоттаах, толору хааччыллыылаах сынньанар, тохтуур дьиэлэр баар буоллахтарына, тас дойдулартан, Арассыыйаттан туристар кэлиэ этилэр. Кинилэргэ биһиги култуурабытын, тылбытын, аспытын-үөлбүтүн билиһиннэриэ этибит. Ордук улахан интэриэһи биир төрүт тыллаах түүр норуоттарыгар тардыа этибит дии саныыбын”,  - диэн үлэ киһитэ инникигэ былааннарын сэгэттэ.

  • 3
  • 0
  • 0
  • 1
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением