ГАУ «Якутлесресурс» Намнааҕы филиалын баһаарынай сезоҥҥа бэлэмнэрин бэрэбиэркэлээтэ. 2025 сылга Нам оройуонугар ойуур баһаарын умулларар былаан бигэргэтиллэн турар. Онно баһаары умулларар дьон, техника ахсаана 210 киһи, 77 техника, ол иһигэр 24 тыраахтар, 2 гусеничнай тыраахтар,26 массыына, 7 моторнай лодка/катер, 1 бульдозер, 13 водовоз/автоцистерна, 1 трал, 1 вездеход/снегоболотоход, 2 грузовой массыына.
Ону таһынан, ойуурга баһаар тахсыбатын туһугар, Намнааҕы лесничество үлэһиттэрэ иитэр-өйдөтөр үлэни күүскэ ыыталлар. Ол курдук, оскуолаларга, тэрилтэлэргэлекциялары, бэсиэдэлэри ааҕаллар, ойуурга үлэлии, сынньана тахсар нэһилиэнньэни регистрациялыыллар.
Ойуур учаастагын арендаҕа ылан, үлэлиир тэрилтэлэри уонна биирдиилээн дьону бэрэбиэркэлииллэр.
Пожароопаснай сезон аһыллыытыгар, нэһилиэнньэ маассабайдык тыаҕа сынньана тахсар бириэмэтигэр лесничество, полиция, айылҕа харыстабылын, охотнадзор, баһаарынай сулууспа уонна нэһилиэк дьаһалталарын холбоһуктаах группалара анал маршруттарынан рейдэлэргэ сылдьаллар.
Убаастабыллаах Нам улууһун олохтоохторо, бултуу,сынньана тахсааччылар истиилэригэр!
Дьон тыаҕа сылдьан тутуһар эбээһинэстэрэ:
1. Тыаҕа баһаартан сэрэхтээх буолуу ирдэбиллэрин тутуһуохтаах.
2. Тыа баһаарын буллаҕына, гос. былаас уорганнарын,эбэтэр олохтоох бэйэни салайыныы уорганнарыгар биллэриэхтээх.
3. Тыа баһаарын буллаҕына, бэйэтин күүһүнэн баһаары умулларааччылар кэлиэхтэригэр диэри умулларыыны саҕалыахтаах.
4. Гос. былаас уорганнарын эбэтэр олохтоох бэйэни салайыныы уорганнарыгар баһаары умулларыыга көмөлөһүөхтээх.
Өскөтүн тыаҕа баһаартан сэрэхтээх буолуу быраабылаларын кэһэр түгэҥҥитигэр:
— гражданнарга 15-30 тыһ. солк. тиийэ
— дуоһунастаах дьоҥҥо – 30-50 тыһ. солк. тиийэ
— тэрилтэлэргэ 100-400 тыһ. солк. диэри ыстарааптаныаххытын сөп
Өйдөөҥ, эһиги баһаар тахсыбатын туһуттан үтүө сыһыаҥҥытыттан биһиги айылҕабытыгар эрэ буолбатах, дьон доруобуйатыгар уонна олохторугар куттал суоһааһына эмиэ тутулуктаах!
Нам лесничествотын пресс-киинэ
-
0
-
0
-
0
-
0
-
0
-
0
