Бүгүн, алтынньы 7 күнүгэр улуустартан кэлбит архитектордар сэминээргэ түмсэн тыҥаан турар сытыы боппуруостары ырытыахтара, уопут атастаһыахтара, сири-уоту тупсарыыга биир кэлим үлэни торумнуохтара.
Алтынньы 8 күнүгэр “Кружало” атыы-аралдьыйыы киинигэр дьыалабыай бырагыраамма ыытыллыа. Табыгастаах куорат эйгэтин оҥорууну, бырайыактары олоххо киллэриини, историяны кытары ситимнээх кииннэри харыстыыры ырытыахтара. Маны сэргэ, бу күн кылаабынай архитектордарга анаан туспа семинар ыытыллыа.
Алтынньы 9 күнүгэр дьаһалта уонна олорор сирдэри сайыннарыыга көҕүлээһиннэринэн дьарыктанар уопсастыбалар сыһыаннаһыыларыгар, маны сэргэ уһук хоту усулуобуйатыгар пааркалары үлэлэтии туһунан боппуруостары көтөҕүөхтэрэ. Кэпсэтии «Скейтпарки vs. уличный скейт» ыччат инфраструктуратын сайыннарыыны ырытыынан түмүктэниэ.
Оттон куорат олохтоохторун уонна ыалдьыттарын алтынньы 10 күнүгэр “Кружало” атыы-аралдьыйыы киинигэр ыҥыраллар. Манна ЦК LETO кинигэ биһирэмэ, араас маастар-кылаастарга дьарыктары билиһиннэриэхтэрэ, интерактивнай архитектура квиз оонньуута ыытыллыа, быыстапкалар тэриллиэхтэрэ.
Манна даҕатан эттэххэ, тэрээһини СӨ баһылыгын иһинэн үлэлиир архитектура уонна куорат тутуутун управлениета ыытар.
-
0
-
0
-
0
-
0
-
0
-
0
