Горнай спортсменнара быйылгы күрэхтэһиигэ чаҕылхай көрдөрүүлэннилэр.
Ол курдук, бэйэлэрин бөлөхтөрүгэр оҕолорго уонна улахан дьоҥҥо 100 м уонна 200 м сүүрүүгэ Уйгун Бочкарев, Альберт Антонов, Варвара Наумова тэҥнээхтэрин булбатылар.
Ону таһынан, Уйгун дьаадыра быраҕыытыгар кыһыл көмүс мэтээли эбиннэ. Бу көрүҥҥэ бойобуой дьайыылар бэтэрээнэ Алексей Парников кыл мүччү үс бастыҥ иһигэр киирбэтэ. Хорсун буойун көлөөскөлөөх күрэхтэһиигэ иккис миэстэни ылар чиэстэннэ.
Тренер Петр Никулин спортсменнар өрөспүүбүлүкэ улахан түһүлгэтигэр үчүгэй бэлэмнээх кэлбиттэрин сырдатта. Альберт Кириллин куһаҕана суохтук кыттыбытын бэлиэтиир. Кэлэр өттүгэр өссө күүскэ дьарыктанан, кыайыыга дьулуһан иһиэхпит диэн эрэннэрдэ.
Сонун төрдө уонна хаартыска: "Үлэ күүһэ", Вячеслав Алексеев
-
0
-
0
-
0
-
0
-
0
-
0
