Саха Өрөспүүбүлүкэтин үөрэх уонна билим миниистирин солбуйааччы Степан Степанов салалтатынан дэлэгээссийэ билиһиннэрдэ. Дэлэгээссийэ састаабыгар оскуола иннинээҕи, уопсай уонна орто анал үөрэхтээһин бэрэстэбиитэллэрэ — иитээччилэр, оскуола учууталлара уонна кэллиэстэр, тиэхиньикумнар педагогтара киирдилэр. Кинилэргэ Арассыыйатааҕы кылаас салайааччыларын пуорумун уонна Оскуола дириэктэрдэрин бастакы пуорумун кыттыылаахтара холбостулар.
Үөрүүлээх сиэр-туом педагогтар идэлээх бырааһынньыктарыгар анаммыт федеральнай тэрээһиннэр чаастарынан буолла. Киин болҕомтоҕо — учуутал үлэтэ, кини оҕону үөрэтиигэ-иитиигэ оруола, ону тэҥэ аныгы үөрэх систиэмэтин сайыннарыы.
Тэрээһиҥҥэ Саха Сирин бэрэстэбиитэллэрин кыттыыта өрөспүүбүлүкэни федеральнай былаһааккаҕа көрдөрөргө, атын эрэгийиэннэртэн кэллиэгэлэри кытта көрсөргө уонна идэлээх уопуту атастаһарга кыаҕы биэрдэ.
Сонун төрдө уонна хаартыска: Үөрэх уонна билим министиэристибэтин МАКС ханаала
-
1
-
0
-
0
-
0
-
0
-
0
