Издательский дом Редакция Подписка
Погода в Якутске: . -11 oC

Нам улууһун Хатырык нэһилиэгин М.К. Аммосов аатынан государственность устуоруйатын түмэлигэр Максим Аммосов төрөөбүтэ 125 сылыгар аналлаах үбүлүөйдээх тэрээһиннэри тэрийэр кэмитиэт түмүк сүбэ мунньаҕа буолла.

Нам улууһун Хатырык нэһилиэгин М.К. Аммосов аатынан государственность устуоруйатын түмэлигэр Максим Аммосов төрөөбүтэ 125 сылыгар аналлаах үбүлүөйдээх тэрээһиннэри тэрийэр кэмитиэт түмүк сүбэ мунньаҕа буолла.

KVA 1845

Тэрээһин кыттааччылара мунньах саҕаланыан иннинэ Максим Аммосов өйдөбүнньүгэр сибэкки уурдулар.

СӨ Ил Дарханын уонна СӨ Бырабыыталыстыбатын дьаһалтатын салайааччыта, М.К Аммосов төрөөбүтэ 125 сылыгар аналлаах үбүлүөйдээх тэрээһиннэри тэрийэр кэмитиэт бэрэссэдээтэлэ Георгий Михайлов ааспыт сыл ахсынньытыгар «Триумф» уораҕайыгар өрөспүүбүлүкэ 100 сылыгар, Саха сирэ Россия судаарыстыбатыгар киирбитэ 390 сылыгар, М.К. Аммосов төрөөбүтэ 125 сылыгар анаммыт үөрүүлээх тэрээһин үчүгэйдик ааспытын бэлиэтээтэ.

«Ил Түмэн Бэрэссэдээтэлэ Алексей Еремеев уонна Ил Түмэн Бэрэссэдээтэлин бастакы солбуйааччыта Александр Жирков үбүлүөйдээх тэрээһиннэри тэрийэргэ улахан күүс-тирэх буолбуттарын ордук тоһоҕолуохпун баҕарабын. Ону тэҥэ тэрийэр кэмитиэт туох баар үлэтин хонтуруоллааһыҥҥа Ил Дархан Айсен Николаев оруола сүрдээх улахан», – диэтэ Георгий Михайлов.

KVA 2147

СӨ Ил Түмэнин Бэрэссэдээтэлэ Алексей Еремеев тэрийэр үлэ ыарахан сылларга ыытыллыбытын бэлиэтээн туран кэмитиэт бэрэссэдээтэлэ Георгий Михайловка, ону кытта Нам улууһун баһылыга Юрий Слепцовка сыралаах үлэлэрин иһин махтанна. «Өрөспүүбүлүкэбит 100 сыллаах уонна Максим Кирович Аммосов 125 сыллаах үбүлүөйүн дьон-сэргэ өйдүү-саныы сылдьарын, астынарын курдук тэрийэр былааммытын олоххо киллэрдибит», – бэлиэтээтэ Ил Түмэн Бэрэссэдээтэлэ.

Ону таһынан, Алексей Ильич Хатырыкка тутулла турар многофункциональнай киин 2023 сыл ахсынньы 22 күнүгэр (Максим Кирович төрөөбүт күнүгэр) аһылларыгар баҕа санаатын эттэ. Кииҥҥэ култуура дьиэтэ, спортзал, оҕо мусукаалынай оскуолата уонна бибилэтиэкэ тэриллиэхтээх.

KVA 2443

Максим Аммосов Саха Өрөспүүбүлүкэтигэр киллэрбит кылаата үйэлэргэ сүппэт, умнуллубат сүҥкэн оруоллааҕын Ил Түмэн испиикэрэ тоһоҕолоон эттэ. «Максим Кирович Аммосов аата хаһан даҕаны симэлийиэ суоҕа, тоҕо диэтэргин, биһиги өрөспүүбүлүкэбит, саха норуота баарын тухары кинини наар ытыктыы сылдьыахтара. Кини – өрөспүүбүлүкэни төрүттээбит уонна өрөспүүбүлүкэҕэ тыын биэрбит киһи буолар», – диэн эттэ Алексей Еремеев.

Саха Өрөспүүбүлүкэтин социальнай-экономическай сайдыытыгар кылаатын иһин СӨ Ил Түмэнин бочуоттаах грамотата туттарылынна «Вертекс» ХЭТ дириэктэрин солбуйааччытыгар Андрей Ядрихинскайга.

Саха Өрөспүүбүлүкэтин култууратын сайдыытыгар кылааттарын иһин Ил Түмэн наукаҕа, үөрэххэ, култуураҕа, маассабай информация сириэстибэлэригэр уонна уопсастыбаннай тэрилтэлэр дьыалаларыгар сис кэмитиэтин бочуоттаах грамотата туттарылынна Ем. Ярославскай аатынан Хотугу норуоттар устуоруйаларын уонна култуураларын Дьокуускайдааҕы судаарыстыбаннай холбоһуктаах түмэлин дириэктэрин солбуйааччытыгар Александр Ховровка уонна Геокультурнай сайдыы институтун мультимедийнай ускуустубаларын уонна информационнай технологияларын салаатын начаалынньыгар Вячеслав Ефимовка.

KVA 1896 copy

Нам улууһун баһылыга Юрий Слепцов Чаҕылхай Максим үбүлүөйдээх тэрээһиннэрин тэрийэргэ уонна былааннаах үлэни ыытарга улахан хамсааһын буолбутун,дьону-сэргэни түмэр, сомоҕолуур туһалаах үлэ-хамнас ыытыллыбытын эттэ. Ол курдук, улуус баһылыга Ил Түмэн Бэрэссэдээтэлэ Алексей Еремеевкэ үлэ былаана туоларын хонтуруолугар илдьэ сылдьыбытын бэлиэтээн улахан махталын биллэрдэ. «Өрөспүүбүлүкэбитин төрүттэспит улуу дьоммут олохторун-дьаһахтарын холобур оҥостон иннибит диэки баран иһиэххэ. Биһиги, Саха сирин олохтоохторо, түмсүүлээх буоллахпытына, туох барыта кыайтарар», – тоһоҕолоон эттэ Юрий Слепцов.

Хатырык нэһилиэгин баһылыга Юрий Дьяконов 2019 сыл тохсунньу 12 күнүгэр тэрийэр хамыыһыйа бастакы мунньаҕын Ил Дархан Айсен Николаев бу саалаҕа иилээн-саҕалаан ыыппытын санатта, ону сэргэ чулуу киһибит Максим Аммосов үбүлүөйдээх сыла үрдүк таһымҥа ааһыахтааҕын уонна төрөөбүт түөлбэтигэр Хатырыкка улахан болҕомто ууруллуохтааҕын туһунан туруоруллубут сыал-сорук барыта туолбутун эттэ.

М.К Аммосов төрөөбүтэ 125 сылыгар аналлаах үбүлүөйдээх тэрээһиннэри тэрийэр кэмитиэт бэрэссэдээтэлэ Георгий Михайлов үбүлүөйдээх тэрээһиннэри ыытыыга элбэх үлэ оҥоһуллубутун түмүгэр улуус киэркэйбитин, тупсубутун бэлиэтээн эттэ. «Бу үлэ тохтоппокко салгыы даҕаны Нам улууһун уонна бүтүн Саха сирин сайыннаран иһиэхпит», – диэн түмүктээтэ Георгий Николаевич.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23