Ол барбыт дьонтон 47 киһи сэрии толоонугар дьоруойдуу охтубуттар, сорохторо сураҕа суох сүппүттэр. Биир дойдулаахтарбыт сэрии бастакы, саамай ыарахан кэмигэр түбэһэн сырдык тыыннарын толук уурбуттара, Ийэ дойду көҥүлүн иһин, биһиги биллиҥҥи дьоллоох олохпут иһин күндүттэн күндүлэрин – сырдык тыыннарын уурбуттара.
Сэриигэ барбыт 96 киһиттэн 49 киһи ынырыктаах сэриигэ тоҥон-хатан, өстөөх буулдьатыттан, снарядыттан, бомбатыттан хааннарын тоҕон, ыран-сылайан, доруобуйаларын сүтэрэн, ол да буоллар Кыайыы кынаттаах төннөн кэлбиттэрэ. Кэлээт, холкуостарга, совхозтарга эйэлээх олоҕу тутууга, алдьаммыт-кээһэммит, айгыраабыт олоҕу сөргүтүүгэ, дойдуну чөлүгэр түһэриигэ күүстэрэ кыайарынан үлэлээн-хамсаан барбыттара.
Билигин Салбаҥ нэһилиэгэр икки тыыл бэтэрээнэ, биэс сэрии сылларын оҕолоро олороллор.
-
0
-
0
-
0
-
0
-
0
-
0
