Ол курдук, 2028 сылга Лос-Анджелеска (АХШ) буолуохтаах Паралмпийскай оонньууларга Арассыыйа сүүмэрдэммит хамаанадатыгар өрөспүүбүлүкэбититтэн 8 хандьыдаат баар. Аан дойду таһымыгар үгүс күрэхтэргэ кыттар уопуттаах күрэсчиттэр Владимир Балынец, Степанида Артахинова, Алена Дмитриева, Виктория Петрова уонна кэлин үрдүк көрдөрүүлэри ситиһэр Виктор Скрыбыкин, Виктор Евсеев, Роман Ибрагимов, Айаал Сивцев бу оонньууларга кыттыахтарын сөп.
Онон күрэсчиттэргэ анал былааннаммыт үлэ, бэлэмнэнии ирдэнээр биллэр, үрдүк таһымнаах рейтинговай күрэхтэргэ кытталлара наада. Ол туһунан Георгий Русланович «Паралимпиецтары бэлэмнээһин үс сыл устата барар. Ол кэмигэр үгүс дьарыгы ааһыахтаахтар, күрэхтэргэ кыттыахтаахтар, быыстарыгар кылгастык сынньаныахтаахтар. Ол сүрүн сыала-соруга - Паралимпиадаҕа кыттыы», -диэн бэлиэттээтэ.
Паралимпиадаҕа эрэллэрбит
- Балынец Владимир Андреевич (пауэрлифтинг), Арассыыйа успуортка үтүөлээх маастара, Лондоҥҥа ыытыллыбыт XIV Паралимпийскай оонньуулар (2012 с.) үрүҥ көмүс призердара, Аан дойду үс төгүллэх чөмпүйүөнэ (2018 с.), Панамериканскай оонньуулар чөмпүйүөннэрэ (Мексикаҕа, 2015 с.), Европа үс төгүллээх чөмпүйүөнэ, Азия чөмпүйүөнэ, пауэрлифтинг.
- Сивцев Айал Иванович (чэпчэки атлетика), ПОДА-ҕа РФ сүүмэрдэммит хамаандатын чилиэнэ, РФ успордун маастара, дьаадыраны анньыыга, үҥүүнү быраҕыыга, диискэни быраҕыыга. Аан дойду чөмпүйэнээтин (Нью-Дели, Индия) боруонса призера, Арассыыйа 13 төгүллээх чөмпүйүөнэ, норуоттар икки ардыларынааҕы Гран-при турнирын (Мексика) чөмпүйүөнэ уонна үрүҥ көмүс призера.
- Артахинова Степанида Михайловна (оҕунан ытыы), Арассыыйа успуортка үтүөлээх маастара, Лондоҥҥа ыытыллыбыт XIV Паралимпийскай оонньуулар (2012 с.) боруонса призердара, тус зачекка, Токиоҕа ыытыллыбыт XVI Паралимпийскай cайыҥҥы оонньуулар (2021 с.) боруонса призердара, Борис Шигаевтыын блочнай ох саанан кыттыгас ытыыга, 2011,2013,2015,2017 сс. Аан дойду чөмпүйүөнкэтэ, 2010, 2018 сс. Европа чөмпүйүөнкэтэ, 2014 с. Европа чөмпүйэнээтин үрүҥ көмүс призера, 2016 с. Европа чөмпүйэнээтин боруонса призера, 2009-2024 сс. Арассыыйа элбэх төгүллээх чөмпүйүөнкэтэ.
- Скрыбыкин Виктор Дмитриевич (оҕунан ытыы), РФ оҕунан ытыыга ПОДА сүүмэрдэммит хамаандатын чилиэнэ, РФ оҕунан ытыыга оруоттар икки ардыларынааҕы кылаастаах успуорт маастара, Арассыыйа уонна норуоттар икки ардыларынааҕы күрэхтэр чөмпүйүөннэрэ уонна призердара.
- Ибрагимов Роман Андреевич (чэпчэки атлетика), РФ чэпчэки атлетикаҕа успуорт маастара (ПОДА-ҕа) 100 м. сүүрүүгэ, уһуну ыстаныыга, Арассыыйа первенствотын 14 төгүллээх кыайыылааҕа, Арассыыйа Кубогын икки төгүллээх чөмпүйүөнэ.
- Петрова Виктория Афанасьевна (чэпчэки атлетика), Арассыыйа чэпчэки атлетикаҕа успуор маастара, дьаадыраны анньыыга, диискэни быраҕыыга. Арассыыйа алта төгүллээх чөмпүйүөнкэтэ, Арассыыйа Кубогын 7 төгүллээх кыайыылааҕа, Норуоттар икки ардыларынааҕы турнир Нотвиль (Швейцария) икки төгүллээх чөмпүйүөнкэтэ.
- Евсеев Виктор Петрович (чэпчэки атлетика), Арассыыйа чэпчэки атлетикаҕа успуор маастара (ПОДА), дьаадыраны анньыыга, диискэни быраҕыыга. 2026 с. Арассыыйа чөмпүйүөнэ, Беларусь үс төгүллээх чөмпүйүөнэ.
- Дмитриева Алена Георгиевна (чэпчэки атлетика), олорон волейболга Арассыыйа үтүөлээх маастара, Арассыыйа сүүмэрдэммит хамаандатын чилиэнэ. Золото Роттердама Аан дойду чөмпүйэнээтин (2018 с.) кыайыылааҕа, Европа чөмпүйэнээтин Подчетртек үрүҥ көмүһэ (2015), Пореч кыһыл көмүһэ (2017), Будапешт кыһыл көмүһэ (2019), Кемер кыһыл көмүһэ (2021).
Алексей МАТВЕЕВ
Хаартыскалар Василий Кононов (Ил Түмэн)
-
0
-
0
-
0
-
0
-
0
-
0
