Издательский дом Редакция Подписка
Погода в Якутске: . -14 oC

Ил Түмэн бэрэссэдээтэлин бастакы солбуйааччы Александр Жирков Мэҥэ Хаҥалас улууһун Доллу нэһилиэгэр сылдьан, сүөһүгэ эбии аһылыгы оҥорор собуот үлэтин билистэ.

Ил Түмэн бэрэссэдээтэлин бастакы солбуйааччы Александр Жирков Мэҥэ Хаҥалас улууһун Доллу нэһилиэгэр сылдьан, сүөһүгэ эбии аһылыгы оҥорор собуот үлэтин билистэ.

«Тумул» тыа хаһаайыстыбатынан дьарыктанар тэрилтэ салайааччыта Таисия Васильевна Десяткинаны, үлэ бэтэрээнэ Иннокентий Васильевич Птицыны собуот дириэктэрэ Тимур Борисович Десяткины кытта Александр Жирков үлэ хайдах баран иһэрин туһунан ирэ-хоро кэпсэттэ.

Бу собуот өрөспүүбүлүкэҕэ аммалар кэннилэриттэн иккис маннык тэрилтэ. Үлэтин ааспыт 2021 с. балаҕан ыйыттан саҕалаабыта, биэс үлэһиттээх. Собуоту 45%  СӨ Тыа хаһаайыстыбатын министиэристибэтэ, 45%  Мэҥэ Хаҥалас улууһа,  10%  Тимур Десяткин бэйэтэ уйунан, Новосибирскай куораттан «Агроинжениринг» тэрилтэттэн анал тэриллэри аҕалан таҥмыттар. “Тумул” ТХПК 1994 сыллаахха тутуллубут арочнай гарааһын өрөмүөннээн, чөлүгэр түһэрэн, собуот онно олохсуйбут. Улуус дьаһалтата атырдьах ыйыгар кумах, гравий кутан, собуокка тиэрдэр 250 миэтэрэлээх суолу оҥорон биэрбит.

Тыа хаһаайыстыбатын министиэристибэтэ, 1 тыһ. туонна уотурбаны оҥорон таһаарарга диэн, субсидия анаабыт. Саҥа тэриллибит собуот ол былааны толорон, тыһыынча туонна комбикорму оҥорон таһааран батарбыт. Уус Алдан, Чурапчы, Таатта, Бүлүү, Хаҥалас улуустарыттан хамаҕатык атыыласпыттар. Уотурбаны дьэһимиэнтэн, сэлиэһинэйтэн оҥороллор. Олохтоох бурдугу ыһааччылартан тыһыынча туонна кэриҥэ сиэмэни, уотурбаны атыыласпыттар. Кэмпэндээйи тууһунан тумалыыллар. Новосибирскайтан эбии концентраттан куталлар. Уотурбаны атыыласпыт  тэрилтэлэр улаханнык биһирээбиттэр. Сыаната да чэпчэки, хаачыстыбата, амтана да үчүгэй. Кэлии уотурба курдук ол-бу от-мас эбиилигэ суох.

Собуот үлэтин көрөн-истэн баран, Александр Жирков: «Үчүгэй саҕалааһын, -- диэн түмүктээтэ. -- Билиҥҥи быһыы-майгы өтөрүнэн көнүө суоҕа. Түмүгэ экэниэмикэҕэ да, бэлиитикэҕэ да охсуута улахан буолуоҕа. Биһиги, дьокутааттар, сүрүн сорукпут – тыа сирин харыстаһа сатыахтаахпыт. Ил Дархан, Ил Түмэн, Бырабыыталыстыба тыа сиригэр аналлаах дьаһаллара дириҥээн, күүһүрэн иһиэхтэрэ. Барытын бэйэбит кыаныахпыт суоҕа гынан баран, кыаллар, сатанар өттүн бэйэбит оҥоро, дьаһана сатаатахпытына, итиэннэ оннук саҕалааһыннары бары өттүнэн өйүүр буоллахпытына, балайда тулуктаһыахпыт. Кытаатыҥ, үлэлээн-хамсаан иһиҥ, ситиһиилээх буолуҥ», -- диэн Александр Николаевич үлэлии сылдьар дьоҥҥо махтал, өйөбүл тылларын эттэ.

  • 4
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Аартыка күнүнэн!

Бүгүн, кулун тутар 19 күнүгэр, Саха Өрөспүүбүлүкэтигэр Аартыка күнэ. Ил Түмэн аатыттан…
19.03.24 11:57