-Роскомнадзор бу муус устар ыйдааҕы дааннайынан, Саха Сиригэр көрдөрөр-иһитиннэрэр сириэстибэ 217 таһаарыыта баар: тэлэбиидэнньэ ханаала (10), араадьыйанан биэрии (26), бэчээтинэй таһаарылар (101), саайт, портал (80).
Хаһыат, сурунаал үксэ Ю.А. Гагарин аатынан өрөспүүбүлүкэтээҕи типографияҕа бэчээттэнэллэр. Ол эрээри сааҥсыйалар бу тэрилтэҕэ улаханнык оҕустулар. Ол курдук, термальнай пластиналарын Кытайтан, мелованнай кумааҕыларын Финляндияттан, хаһыат уонна офсет кырааскаларын Соҕуруу Кэриэйэттэн ылар этилэр. Ол тохтоотоҕо дии. Билигин Арассыыйаттан ылыахтарын сөп эрээри, поставщиктар сыаналарын 40-100 % улаатыннарбыттар.
Аны туран, бэчээттэтэр тэрилтэлэрин кытта хантараактарын эрдэ түһэрбит буолан, урукку сыананан бэчээттииллэр. Онон ночоот бөҕө. Ол иһин кириисиһи утары миэрэлэр чэрчилэринэн типография субсидия ыларын ситиһиэххэ наада. Судаарыстыбаннай таһаарыылар -- «Сахабэчээт», «Сахамедиа», Н.Е. Мординов-Амма Аччыгыйа аатынан «Кэскил» оҕо бэчээтин кыһатын, «Ил Түмэн» издательскай дьиэ хаһыаттара, сурунааллара – бары манна бэчээттэнэллэр. Онон судаарыстыбаттан өйөбүл булгуччу ирдэнэр.
Урут 2014 сыллаахха диэри Арассыыйа почтатыгар федеральнай субсидия көрүллэрэ. Ону төнүннэрэргэ туруорустум. Бу көмө сурутуу сыаната үрдүүрүн тутуо этэ.
РФ Бырабыыталыстыбатын 2020 сыл ыам ыйын 16 күнүнээҕи 696-с №-дээх уурааҕар олоҕуран, 5 тыһыынчаттан тахса, итиэннэ Арассыыйа омуктарын тылларынан тахсар 500-тэн тахса тиражтаах таһаарыыларга көмө оҥороллоругар көрдөстүм.
Электроннай СМИ эмиэ өйөнүөхтээх. Тоҕо диэтэххэ, дойдуга сорох социальнай ситимнэри боппуттарын кэннэ, хаһыаттар, сурунааллар үгүс ааҕааччыларын сүтэрдилэр. Оттон Telegram уонна Vkontakte ситимнэргэ көһүү, аудиторияны саҥаттан хомуйуу уустуктардааҕын уонна элбэх сыраны эрэйэрин билэбит. Онон сибээстээн, саайтаах, социальнай ситимҥэ аккауннаах эрэдээксийэлэри тас дьайыыларга бэриммэт бэйэ бырагырааматынан хааччыйалларыгар туһаайдым. Онуоха, бастатан туран, РФ Цифровой сайдыыга, сибээскэ уонна маассабай коммуникацияларга министиэристибэтэ эрэгийиэннээҕи электроннай СМИ-лэргэ социальнай суолталаах таһаарыы статуһун бигэргэтэригэр, Интэриниэт таһаарыыларга, информационнай ааҕыныстыбаларга субсидиялары уонна граннары олохтууругар эттим.
Роскомнадзорга СМИ быһыытынан регистрацияламмыт электроннай барыйааннаах уонна социальнай ситимнэргэ күүскэ үлэлиир таһаарыыларга 63.12.1 (деятельность сетевых изданий) уонна 63.91 (деятельность информационных агентств) ОКВЭД-тары эптэххэ, бу тэрилтэлэр РФ Бырабыыталыстыбата бу ыйга таһаарбыт уурааҕар олоҕуран, IT-эйгэҕэ көрүллэр чэпчэтиилэри туһанар кыахтаныа этилэр. Маныаха эрэдээксийэлэр саҥа социальнай ситимнэргэ үлэлииллэригэр үөрэх тиһигин тэрийэргэ көрдөстүм. Кэмиэрчэскэйэ суох тэрилтэлэргэ (НКО) ананар граннар холобурдарынан, эрэдээксийэлэргэ Vkontakte, Yandex, Mail.ru ситимнэргэ таргеттаммыт рекламаҕа диэн граннары олохтуурга .
РФ Уопсастыбаннай палаататын информационнай уопсастыба сайдыытыгар, СМИ-гэ уонна маассабай коммуникацияларга хамыыһыйатын бэрэссэдээтэлэ Рифат Сабитов киирбит этиилэри барытын РФ Цифровой сайдыыга, сибээскэ уонна маассабай коммуникацияларга министиэристибэтигэр ыытыах буолан эрэннэрдэ.
-
0
-
0
-
0
-
0
-
0
-
0
