Ол курдук, Сангаджи Андреевич ыччаты патриотизмҥа иитии уонна Саха Сиригэр туризмы сайыннарыы туһунан эттэ:
- Патриотизм диэн биһигини барыбытын улахан дойдуга сомоҕолуур ылах (скрепа) буолар. Биһиги бары уопсай устуоруйалаахпытын таһынан, уопсай инникилээхпит диэн өйдүөххэ наада. Ыччаты патриотизмҥа иитэрбитигэр "патриотизм" диэн тылы туттубатах ордук. Пионердары курдук, стройдаталаан, "патриот буолуҥ!" диэн күһэйдэххэ - оҕолорбут дойдуларыгар бэриниилээх буолуо суохтара. Ол оннугар өсөһүөхтэрэ, тэйиэхтэрэ. Дьиҥэр, патриотизмы соҥнообокко, киһи бэйэтин баҕатынан патриот буоларын ситиһиэхтээхпит.
Саха Сиригэр турист ахсаана буолбакка, туризм хаачыстыбата үрдүөхтээх. Оччоҕо дьон улахан харчыны төлөөн, манна сынньана кэлиэ этэ. Ол улахан харчыттан Саха Сиринээҕи туризм эйгэтэ ордук барыһырар кыахтаах. Онон өрөспүүбүлүкэҕэ маассабай туризмы буолбакка, аан маҥнай үрдүк таһымнаах сынньалаҥы тэрийэргэ болҕомтобутун ууруохха.
-
4
-
0
-
0
-
0
-
0
-
0
